Palafita

Palafitas en Castro, Chile, no arquipélago de Chiloé (Nova Galicia).

As palafitas son vivendas apoiadas en piares ou simples estacas, xeralmente construídas sobre corpos de augas tranquilas como lagos, lagoas, e como é o caso nalgunhas zonas de Chile á beira do mar.

A palabra deriva do italiano palafitta. No 2002 un importante descubrimento na desembocadura do río Sarno revelou que na zona portuaria de Pompeia había palafitas asentadas sobre un sistema de canles, que tamén suxeren unha certa similitude con Venecia.

Canle da lagoa de Antela, na actualidade á altura do concello de Sandiás

No caso galego os poboados lacustres máis coñecidos son os da lagoa de Antela que foron estudados polo investigador Conde-Valvís nos anos 50, pouco antes do desecamento da lagoa. Conde-Valvís fálanos dos achados de tres poboados palafíticos de 58, 56, e 36 habitacións respectivamente cada un, coñecidas popularmente como "cortellos", que nos demostran a gran concentración de habitantes nesta zona. Estes poboados estarían situados no espazo que abrangue dende Sandiás ata Cortegada (dous deles fronte a Zadagós e Cardeita).

Galería de imaxes

• 
  Palafitas en Cempa, nas Illas Lingga (Indonesia).
• 
  Unha palafita na Provincia Attapu, ao sur de Laos.
• 
  Palafitas en Puget Sound en Fragaria Washington, Estados Unidos de América.
• 
  Unha palafita rural en Camboxa.
• 
  Palafitas bajau no mar das Filipinas.
• 
  Unha palafita no sur de Tailandia.
• 
  Unha casa africana reconstruída en Alemaña.
• 
  Unha ponte entre palafitas en Colombia na Ciénaga Grande de Santa Marta.
• 
  Palafitas tradicionais en Messolongi, oeste de Grecia.