Sandiás, Sandiás

Sandiás
	Vista do Castro.
Concello	Sandiás
Provincia	Ourense
Coordenadas	42°06′48″N 7°45′17″O / 42.113333333333, -7.7546666666667
Área	19,4 km²
Poboación	365 hab. (2025)
Densidade	18,81 hab./km²
Entidades de poboación	6
	[ editar datos en Wikidata ]

Para outras páxinas con títulos homónimos véxase: Sandiás.

Santo Estevo de Sandiás é unha parroquia do concello ourensán de Sandiás, situado na comarca da Limia. Segundo o INE^[2], en 2025 tiña 365 habitantes (167 homes e 198 mulleres), distribuídos en 6 entidades de poboación, o que supón unha diminución en relación a 2011, cando tiña 488 habitantes.

Nesta parroquia sitúase a capitalidade municipal onde se concentran os servizos administrativos (Concello, Xulgado de Paz), dotacionais (biblioteca municipal, colexio, Punto de Atención Infantil) e asistenciais (Centro de Saúde, farmacia). Conta tamén cun albergue de peregrinos dotado de 24 prazas.

Patrimonio histórico-artístico

Igrexa de Santo Estevo de Sandiás

Nesta parroquia atópase a igrexa parroquial de Santo Estevo. Foi construída polo mestre de cantería Bartolomeu de Nosendo antes de 1520. Consta dunha soa nave e presbiterio cuadrangular. Destaca pola súa portada de estilo manuelino, que recorda as igrexas portuguesas de Maravilha, en Santarém, ou a parroquial de Batalha.

O retablo maior de Santo Estevo de Sandiás foi realizado entre o ano 1603 e o 1607 polo entallador Xoán Fernández "O Mozo" e o escultor Francisco de Moure. Consta de dous corpos, tres rúas e un ático. Destacan no primeiro corpo san Pedro e san Paulo e no segundo san Francisco, santo Estevo e san Lourenzo. De grande interese son as pinturas manieristas da parte baixa, nas que destacan as escenas da Anunciación e a Visitación.

Misa na romaría do San Bieito da Uceira (Sandiás).

A ermida de San Bieito da Uceira está no monte do mesmo nome, non lonxe da aldea. Foi construída a mediados do século XVIII (exvoto do ano 1766), posteriormente foi reconstruída e ampliada. Dende o adro hai unha vista panorámica da Limia Alta. Tódolos luns de Pascua e o segundo domingo de xullo realízase a romaría na capela de San Bieito da Uceira, de gran tradición en toda a Limia.

Co gallo dos cincuenta anos do comezo das obras de desaugamento da lagoa de Antela (1958-2008), o Concello de Sandiás puxo en funcionamento no centro da vila a Casa da Lagoa (Centro de Interpretación da Lagoa de Antela). Neste centro preténdese dar a coñecer dunha forma didáctica a historia da lagoa a través dun percorrido que abrangue dende a formación da antiga lagoa de Antela, o seu desecamento, ata a actualidade coa recuperación medioambiental das antigas areeiras.

Lugares e parroquias

Lugares de Sandiás

Lugares da parroquia de Sandiás no concello de Sandiás (Ourense)
Cardeita \| O Castro \| Coalloso \| As Pegas \| Sandiás \| Santa Ana

Parroquias de Sandiás

Galicia \| Provincia de Ourense \| Parroquias de Sandiás
Couso de Limia (Santa María) \| Piñeira de Arcos (San Xoán) \| Sandiás (Santo Estevo)

Notas

1 2 DECRETO 27/2026, do 30 de marzo, polo que se aproba o Nomenclátor de Galicia.
↑ "Nomenclátor. Población por unidad poblacional". INE (en castelán). Consultado o 2026-02-12.

Véxase tamén

Outros artigos

Lugares de Sandiás

[nomenclátor-1] 1 2 DECRETO 27/2026, do 30 de marzo, polo que se aproba o Nomenclátor de Galicia.

[2] "Nomenclátor. Población por unidad poblacional". INE (en castelán). Consultado o 2026-02-12.

[1]

[2]