Lojban

Lojban; lojban
Pronuncia:	/la ˈloʒban/
Total de falantes:	descoñecido
Categoria (propósito):	Lingua artificial; Lojban
Estatuto oficial
Lingua oficial de:	Ningures
Regulado por:	Logical Language Group (la lojbangirz)
Códigos de lingua
ISO 639-1:	-
ISO 639-2:	jbo
ISO 639-3:	jbo
SIL:	-
Mapa
Status

O lojban (AFI /ˈloʒban/) é unha lingua construída, máis exactamente unha lingua lóxica, baseada na lóxica de primeira orde (lóxica de predicados) creada polo Logical Language Group en 1987.

O nome lojban é unha combinación de loj e ban, que son as formas curtas de logji (lóxica) e bangu (linguaxe) respectivamente. O lojban esta baseado, en parte, na lingua loglan, coa intención de facela máis completa, útil e libremente dispoñible. O lojban é unha linguaxe falada, usada para a comunicación entre persoas.

Principais características[editar | editar a fonte]

O lojban comparte moitas das características e obxectivos do loglan, en particular:

A gramática está baseada na lóxica de predicados e é capaz de expresar con precisión as construcións lóxicas complexas.
Non posúe irregularidades ou ambigüidades na súa escrita ou gramática, podendo ser facilmente analizado por un computador.
Foi deseñado para ser o máis culturalmente neutral posible.
É fácil de aprender e usar, comparado con outros idiomas artificiais.
Mentres que o obxectivo inicial era investigar a hipótese de Sapir-Whorf, a comunidade do lojban ten obxectivos adicionais, tales como:
- Investigación xenérica sobre lingüística.
- Investigación en intelixencia artificial e comunicación con máquinas.
- Mellor interacción humana cos ordenadores, almacenamento de ontoloxías e tradución automática de linguas naturais.
- Uso do idioma para a educación.
- Creatividade persoal.

Alfabeto e pronuncia[editar | editar a fonte]

Lojban usa o alfabeto latino (só 23 letras) e 3 caracteres especiais (´, , e .) que non son elementos de puntuación. O Lojban escríbese con minúsculas, as letras maiúscula úsanse para indicar acentuacións das palabras que escapan a norma. A pronuncia é a seguinte:

letra	AFI
a	[a]
b	[b]
c	[ʃ] ou [ʂ]
d	[d]
e	[ɛ] ou [e]
f	[f] ou [ɸ]
g	[ɡ]

letra	AFI
i	[i]
j	[ʒ] ou [ʐ]
k	[k]
l	[l]
m	[m]
n	[n]
o	[o]

letra	AFI
p	[p]
r	[r]
s	[s]
t	[t]
u	[u]
v	[v] ou [β]
x	[x]

letra	AFI
y	[ə]
z	[z]
'	[h] ou [θ]
.	[ʔ]
,	Indicador de quebra de silabas

Exemplo[editar | editar a fonte]

ro remna cu se jinzi co zifre je simdu'i be le ry. nilselsi'a .e lei ry. selcru .i ry. se menli gi'e se sezmarde .i .ei jeseki'ubo ry. simyzu'e ta'i le tunba

Todos os seres humanos nacen libres e iguais en dignidade e en dereitos. Están dotados de razón e de conciencia, e deben comportarse fraternalmente os uns cos outros.