Zemgale

Zemgale

Localización
57°N 24°L
Estado	Letonia

Zemgale, tamén coñecida polo nome latinizado de Semigalia, é unha das seis rexións de Letonia. Sitúase ao sur do país, á beira de Lituania.

Xeografía

Abrangue os seguintes concellos e cidades (c):

• Aizkraukle
• Aknīste
• Auce
• Bauska
• Dobele
• Iecava
• Jaunjelgava
• Jēkabpils (c)
• Jēkabpils
• Jelgava (c)
• Jelgava
• Koknese
• Krustpils
• Nereta
• Ozolnieki
• Pļaviņas
• Rundāle
• Sala
• Skrīveri
• Tērvete
• Vecumnieki
• Viesīte

Demografía

A evolución demográfica recente dos seus distritos é a seguinte:

	2000	2011	2021
Aizkraukles	40 151	33 493	29 367
Bauskas	54 855	47 104	41 755
Dobeles	39 618	39 618	28 517
Jēkabpils	56 257	46 703	40 576
Jelgava (cidade)	66 375	59 511	55 336
Jelgavas	37 337	34 402	31 969

Toponimia

O nome de Semigallia aparece en fontes como Seimgala, Zimgola e Sem[e]gallen. O elemento -gal[l] significa "fronteira" ou "extremo", mentres que a primeira sílaba corresponde a ziem ("norte"). Así pois, os semigaliáns eran os "habitantes das terras fronteirizas do norte", é dicir, dentro do contexto de Semigalia o pobo báltico das partes baixas dos vales dos ríos Mūša e Lielupe.

Historia e lingua

Zemgale é unha das rexións históricas e culturais de Letonia, pero hoxe en día non exercita ningún rango administrativo no país, só forma parte das rexións estatísticas. Xunto con Kurzeme e Selónia foron parte no pasado do Ducado da Curlandia e Semigália, vasalo de Lituania. Baixo o Imperio ruso esta rexión era coñecida como a Gobernatura de Curlandia.

A extinta lingua semigaliá pertence ao grupo de linguas do leste báltico. Foi a lingua da rexión ata o século XVI en zonas do norte de Lituania e sur de Letonia, cando o pobo Semigaliá foi asimiliado tanto por Lituania como pola parte letoa. O semigalián non deixou mostras escritas observábeis, polo que o estudo desta lingua ágrafa baséase na topoloxía e no vocabulario oral conservado, como por exemplo no referente á auga. O semigalián foi identificado con elementos característicos tamén observados no curonio e no letón. Os son k, g no letón moderno son idénticos ao c, dz en semigalián.

Economía

Zemgale é notoría polas súas leiras moi productivas para a agricultura, con case o 40 % da rexión forestada. O produto rexional bruto (GRP) é de 2 500 millóns de euros en 2023.