Xosé Chorén

Na Galipedia, a Wikipedia en galego.
Saltar ata a navegación Saltar á procura
Xosé Chorén
Nacemento1967
 Taboada
NacionalidadeEspaña
Alma máterUniversidade de Santiago de Compostela
Ocupaciónpolítico
editar datos en Wikidata ]

Xosé Chorén Vázquez, nado en Taboada en 1967, é un político galego.

Traxectoria[editar | editar a fonte]

Funcionario de Correos, é o director da oficina principal en Lugo despois dunha longa traxectoria que o levou a Madrid, Xaén, A Coruña e finalmente a Lugo onde tamén foi director da Oficina da Milagrosa. Foi Concelleiro no Concello de Lugo polo BNG.

Trala VI Asemblea Nacional de Esquerda Nacionalista, celebrada en Compostela o 30 de marzo de 2008 foi elixido Secretario Nacional de Esquerda Nacionalista, relevando no cargo a Alberte Xulio Rodríguez Feixoo.

Diplomado en Relacións Laborais pola Universidade de Santiago, é ademais Graduado Social colexiado (vocal da xunta directiva do Colexio de Lugo) e Técnico Superior en Prevención de Riscos Laborais nas especialidades de seguridade no traballo, hixiene industrial e ergonomía e psicosocioloxía. É membro da CIG e foi delegado sindical en Correos.

Foi militante do BNG dende os 18 anos e ocupou no BNG diferentes cargos orgánicos. Así, foi membro do Consello Comarcal de Lugo; da Executiva comarcal, levando a responsabilidade de acción social; e foi do Consello comarcal da Emigración, durante o tempo que traballou en Madrid e Xaén; e membro tamén do Consello Nacional do BNG.

Entrou en Esquerda Nacionalista no ano 1993, e forma parte da súa Executiva nacional desde o 2002 ocupando distintas responsabilidades chegando a ser elixido secretario nacional en 2008. Foi o coordinador provincial de Máis BNG na Provincia de Lugo e formou parte da Permanente do colectivo. Deixou de militar no Bloque en 2012 ao abandonar a súa formación a fronte. Retirouse da primeira liña da actividade política aínda que colaborou con Lugonovo, e nas eleccións municipais de 2019 é o candidato á alcaldía por esa formación[1].

Notas[editar | editar a fonte]