Xiao Varela

Na Galipedia, a Wikipedia en galego.
(Redirección desde «Xiao Varela Gómez»)
Infotaula de personaXiao Varela Gómez
Biografía
Nacemento1978 Editar o valor em Wikidata (45/46 anos)
A Coruña, España Editar o valor em Wikidata
Cargos
   Ex-Concelleiro na Corporación Municipal da Coruña
Período2015 – 2020
Ex-Concelleiro de Rexeneración Urbana e Dereito á Vivenda do Goberno Municipal da Coruña
AntecesorMartín Fernández Prado
Datos persoais
ResidenciaA Coruña
País de nacionalidadeEspaña Editar o valor em Wikidata
Actividade
OcupaciónArquitecto, político
Partido políticoMarea Atlántica
LinguaLingua castelá Editar o valor em Wikidata

Xiao Varela Gómez, nado na Coruña en 1978, é un arquitecto e político galego.

Traxectoria[editar | editar a fonte]

Arquitecto pola Escola Técnica Superior de Arquitectura da Coruña, dedicouse á arquitectura, ao urbanismo e á intervención comunitaria desde a Cooperativa Hábitat Social, da que foi socio fundador e da que causou baixa antes da súa incorporación ao goberno municipal coruñés no ano 2015.

Dentro do seu ámbito profesional realizou diversos traballos, desde o urbanismo participativo até a construción natural, investigando, divulgando e promovendo o uso de materiais naturais e a recuperación das técnicas tradicionais na construción moderna.

Activista social, participou de diferentes iniciativas vencelladas ao urbanismo crítico, denunciando a especulación urbanística e traballando para dar solución aos asentamentos precarios da cidade da Coruña.

Na órbita do Bloque Nacionalista Galego durante o período 2007-2011[1],[Verificar credibilidade] en 2014, participou activamente na creación do espazo cidadán de confluencia, Marea Atlántica, que terminou por constituírse nun partido instrumental para presentarse ás eleccións municipais do ano 2015. Nese mesmo ano chegou ao goberno municipal da Coruña tras ir como número tres da candidatura.

Dentro do goberno municipal, foi nomeado segundo tenente de alcalde, responsable da Área de Rexeneración Urbana, Dereito á Vivenda e Mobilidade Sostible, e representante do concello como conselleiro na Autoridade Portuaria da Coruña, dende a que loitou pola defensa da titularidade pública dos terreos dos peiraos interiores da cidade.

Despois de que a Marea Atlántica perdese o goberno da cidade no ano 2019, continuou exercendo como concelleiro da oposición, até que en setembro de 2020 anunciou a súa intención de renunciar á súa acta,[2] e solicitou a súa baixa da Marea Atlántica, que se fixo efectiva en novembro dese mesmo ano.

Notas[editar | editar a fonte]

  1. Punzón, Carlos (15/3/2015). "El BNG, cantera de las mareas". La Voz de Galicia (en castelán). 
  2. Twitter (ed.). "Acta de renuncia de Xiao Varela". Consultado o 25 de febreiro de 2021. 

Véxase tamén[editar | editar a fonte]

Ligazóns externas[editar | editar a fonte]