Xeografía de Gabón

Na Galipedia, a Wikipedia en galego.
Saltar ata a navegación Saltar á procura
Mapa topográfico de Gabón.

Gabón é un país de África occidental, situado no Océano Atlántico, ao sur do golfo da Guinea.

Fronteiras[editar | editar a fonte]

Gabon ten un total de 3261 km de fronteiras internacionais. Limita coa Guinea Ecuatorial (335 km) e Camerún (349 km) polo norte e coa República do Congo (2567 km) polo leste e polo sur. O ecuador atravesa Gabón.

Clima[editar | editar a fonte]

Gabón ten o clima húmido e quente típico das rexións tropicais. O mes máis cálido é xaneiro, cunha temperatura media en Libreville de 31 °C e unha media das mínimas de 23 °C. En xullo o rango de temperaturas medias na capital está entre 20 e 28 °C.

Entre xuño e setembro non hai apenas chuvia, mais si unha alta humidade; chove ocasionalmente en decembro e xaneiro. Nos restantes meses as chuvias son fortes, causadas pola condensación da humidade do aire que resulta do encontro sobre a costa da corrente fría de Benguela que vén do sur e a corrente cálida da Guinea do norte. En Libreville a media anual de chuvia é de máis de 2540 mm. Máis cara ao norte pola costa é de 3810 mm.

Terreos[editar | editar a fonte]

Uso da terra (2012)
• Terra arable 1.26 %
• Cultivos permanentes 0.66 %
• Outros usos 98.08%

Na costa Gabón posúe chairas estrechas con áreas de mangleiros, o interior ten outeiros e o leste e o sur está ocupado pola sabana.

En 2003 as terras irrigadas supoñían 44,5 km² e en 2011 o país tiña 164 km3 de auga renovable.

División administrativa[editar | editar a fonte]

Gabon provinces numbered.png Provincias de Gabón.
  1. Estuaire
  2. Haut-Ogooué
  3. Moyen-Ogooué
  4. Ngounié
  5. Nyanga
  6. Ogooué-Ivindo
  7. Ogooué-Lolo
  8. Ogooué-Maritime
  9. Woleu-Ntem