Wikipedia:Sobre Galicia/setembro 2006

A Real Academia Galega é a institución científica que ten como obxectivo o estudo da cultura galega, e en especial da lingua galega. Elabora as normas gramaticais, ortográficas e léxicas, así como a defensa e promoción da lingua. Ademais decide a personalidade literaria á que se lle dedica o Día das Letras Galegas. Os seus membros son personalidades influentes do mundo da cultura galega, en particular da lingua. Dende decembro de 2001 o seu presidente é Xosé Ramón Barreiro Fernández.