Weird Tales

Weird Tales
	Instancia de Pulps; semiprozine (pt)
	Título Weird Tales (en)
	Subtítulo The Unique Magazine (en)
	Lingua lingua inglesa
Implicados
	Editor/a Farnsworth Wright (pt) ; Dorothy McIlwraith (en) ; Edwin Baird (pt)
Datas
	Data de comezo 1923
	Fundación / creación 1923
	Disolución / destrución setembro de 1954
Localización
	Lugar de publicación Estados Unidos de América
	País de orixe Estados Unidos de América
Recoñecemento
	Premios Hugo Award for Best Semiprozine (en) (2009)
	Nomeamentos Hugo Award for Best Semiprozine (en) (2011); Hugo Award for Best Semiprozine (en) (2010); World Fantasy Special Award: Professional (en) (2009); Hugo Award for Best Semiprozine (en) (2009)
ISSN
Identificadores
ISSN
ISSN	0898-5073
VIAF	174982111
Freebase	/m/01dnsz
Fontes e ligazóns
	Páxina WEB weirdtales.com
	Wikidata G:Commons C:Commons

Weird Tales é o nome dunha revista norteamericana de ciencia ficción, fantasía e terror, catalogábel dentro das chamadas revistas pulp. O seu primeiro número data do mes de marzo de 1923. Foi lanzada en Chicago por J.C. Henneberger, un xornalista admirador do xénero macabro.

Traxectoria

1ª etapa

Edwin Baird foi o primeiro editor da revista. O seu asistente chamábase Farnsworth Wright. Este substituíu a Baird despois de 14 números. Wright outorgou a Weird Tales unha identidade definida, e foi quen primeiro se decidiu a publicar os traballos do seu máis famoso colaborador, H. P. Lovecraft, ao mesmo tempo que do moi popular na época Seabury Quinn. Outro famoso colaborador de Weird Tales foi Robert E. Howard, creador de Conan o Bárbaro.

Wright ofreceu unha oportunidade a novos autores como Robert Bloch e Clark Ashton Smith, que logo triunfarían no xénero. Seguiu editando a revista até marzo de 1940, morrendo en xuño do devandito ano.

Weird Tales, como a tamén mítica revista Black Mask, atravesou graves problemas económicos ao sufrir a competencia crecente do cómic, a radio e as novelas baratas. Tras a morte de Lovecraft e o retiro de Wright, Weird Tales cambiou de orientación, pero a súa vida foi declinando até o seu peche definitivo en setembro de 1954, deixando atrás 279 números.

2ª etapa

A editora que tomou a substitución de Wright, Dorothy McIlwraith, distinguiuse por abrir canles a novos escritores tan importantes como Manly Wade Wellman, Fritz Leiber, Henry Kuttner, C. L. Moore, Theodore Sturgeon, Joseph Payne Brennan e Margaret St. Clair, algúns deles continuadores da obra de Lovecraft, incluíndo o seu testamenteiro August Derleth.

Weird Tales resucitou en 1988 da man de George H. Scithers, John Gregory Betancourt e Darrell Schweitzer, renovando as tiradas co número 280. A partir daquela, como outras publicacións parecidas, tivo un éxito comercial relativo, aínda que deu a coñecer a novos valores da narrativa macabra como Tanith Le, Brian Lumley e Thomas Ligotti.

No ano 2005 Weird Tales foi vendida á editora Wildside Press, e pasou a periodicidade bimestral.

Véxase tamén

Ligazóns externas

Wildside Press – actual editora. (en inglés)