Waag (Delft)

Waag; ("A Pesa")
	Fachada principal do Waag de Delft
Edificio
Tipo	Edificio público
Enderezo	Markt 11, 2611 GP Delft
Localización	Delft; Holanda Meridional; Países Baixos
Coordenadas	52°00′40″N 4°21′29″L / 52.011111, 4.358056Coordenadas: 52°00′40″N 4°21′29″L / 52.011111, 4.358056
Uso(s)	Antes de 1960: pesa pública.; 1960-1999: teatro.; Desde 1999: hostalaría
Construción
Construción	Probablemente século XVI
Remodelación	1770
	[ editar datos en Wikidata ]

O Waag (en galego: "a pesa") é un edificio situado na parte traseira da sede histórica da casa do Concello, no lado occidental da Gran Praza da cidade surholandesa de Delft, nos Países Baixos.

O edificio[editar | editar a fonte]

Trátase dun edificio levantado en ladrillo, cunha cubrición a dúas augas e cun frontal triangular en madeira cunha representación dos símbolos do comercio. Na súa fachada principal exhibe tamén unha pedra conmemorativa do gremio de ourives da cidade coa data de 1770, e a súa fachada posterior está adornada con outra pedra, do Collegium Medico Pharmaceuticum, datada en 1767. O edificio ten a consideración de monumento nacional dos Países Baixos ou rijksmonument.^[1]^[2]

Historia[editar | editar a fonte]

Aínda que o edificio loce na cornixa da súa fachada o ano de 1770, esta data debe corresponder a unha restauración e o ano da súa construción debe ser moi anterior, probablemente despois do incendio da cidade de 1536.

Ata 1960 o edificio mantivo o seu uso inicial como balanza de uso público da cidade. A partir desa data tivo usos diversos, e entre eles serviu como teatro^[3]. Desde 1999 o edificio está en uso como bar e restaurante (Stadscafé De Waag)^[4]. Este local de hostalaría foi o primeiro nos Países Baixos en aceptar os Bitcoin como medio de pagamento.^[5]