Voo 811 de United Airlines

Voo 811 de United Airlines
Instancia de accidente de aviación  Causado por descompressão explosiva (pt)  Elemento operado Boeing 747-100
Características  Representado por Unlocking Disaster (en) Ripped Apart (en)  Nave Boeing 747
Datas  Data 24 de febreiro de 1989
Implicados  Operador/a United Airlines
Localización  Situado en Honolulu, condado de Honolulu, Hawai, Estados Unidos de América  Localización océano Pacífico  Lugar de saída Aeroporto Internacional dos Ánxeles  Lugar de chegada Aeroporto de Sydney  Coordenadas 20°41′24″N 158°40′30″O
Cifras e dimensións Feridos 38 Mortes 9 Superviventes 346
Códigos e identificadores Freebase /m/05f8d7 Matrícula aeronave N4713U Número de voo UA811
Wikidata C:Commons

O voo 811 de United Airlines era un voo regular dende Os Ánxeles ata Sydney, con escalas en Honolulu e Auckland. O 24 de febreiro de 1989 o Boeing 747-122 que realizaba a ruta tivo un fallo nunha porta de carga mentres voaba pouco despois de deixar Honolulu. A descompresión explosiva resultante rebentou varias filas de asentos matando a nove dos pasaxeiros. O avión regresou a Honolulu onde conseguiu aterrar con seguridade.

Avión

O avión do accidente era un Boeing 747-122 con rexistro N4713U. Foi entregado a United Airlines o día 3 de novembro de 1970. No momento do incidente o aparello acumulaba 58 814 horas de voo, e non tivera problemas graves anteriormente.

O 24 de febreiro de 1989 o avión estaba programado por United Airlines para operar o voo 811 dende o aeroporto dos Ánxeles ata o aeroporto de Sydney, con escalas no aeroporto de Honolulu e no aeroporto de Auckland.

O voo 811 operou sen problemas na súa primeira parte da ruta, dende Os Ánxeles ata Honolulu. Tras chegar a Honolulu houbo un cambio de tripulación. A anterior tripulación de voo informou que non tivera dificultades co avión durante o voo a Honolulu.

Despois do accidente o avión foi reparado e volveu ao servizo con United, pero desta vez co rexistro N4724U. En 1997 United retirouno e pasou a operar con Air Dabia como C5-FBS. Air Dabia cesou as operacións en 1998, e o avión quedou abandonado no aeroporto de Plattsburgh, onde foi despezado en 2004.

Tripulación

A tripulación que embarcaron en Honolulu estaba liderada polo capitán de 59 anos David M. "Dave" Cronin. No momento do accidente, Cronin levaba acumuladas unhas 28 000 horas de voo, incluídas unhas 1 600 horas no Boeing 747. O voo 811 foi o penúltimo voo programado de Cronin antes da súa xubilación obrigatoria.

O resto dos tripulantes eran o primeiro oficial Gregory Allen "Al" Slader (48), o enxeñeiro de voo Randal Mark Thomas (46), e 15 asistentes de cabina. O primeiro oficial e o enxeñeiro tiñan 14 500 e 20 000 horas de voo respectivamente.