Victor Brooke

Sir
Victor Brooke

Nome orixinal	Victor Alexander Brooke
Biografía
Nacemento	5 de xaneiro de 1843
Morte	27 de novembro de 1891 (48 anos) Pau, Francia
Causa da morte	pneumonía
Educación	Harrow School
Q89547790	Descrición da especie Gazella walleri (hoxe clasificada como Litocranius walleri)
Actividade
Ocupación	naturalista
Lingua	Inglés
Outro
Título	Baronete (pt)
Cónxuxe	Alice Bellingham (1864–)
Fillos	Sir Arthur Brooke, 4th Baronet, Ronald George Brooke, Butler Brooke, Victor Reginald Brooke, Alice Mildred Brooke, Hylda Brooke, Alan Brooke
Pais	Sir Arthur Brooke, 2nd Baronet   e Julia Henrietta Anson

Sir Victor Alexander Brooke, 3º barón de Brooke, nado o 5 de xaneiro de 1843 e finado o 27 de novembro de 1891 en Pau, foi un aristócrata anglo-irlandés, coñecido cazador da caza maior e naturalista.

Traxectoria

Era fillo de Sir Arthur Brooke, 2º Barón de Brooke, aristócrata do Ulster, do condado de Fermanagh en Irlanda do Norte, a quen sucedeu no título e na propiedade de Colebrooke en 1854.

Estudou en Harrow, Londres, e logo viaxou ao estranxeiro, sendo un deportista entusiasta que gozaba coa caza maior.

Foi maxistrado, tenente adxunto e shériff de Fermanagh.

Cazador apaixonado, especialmente da caza maior, esta afección fixo que se interesara na historia natural. Viaxou moito, e pouco a pouco foi arruinando a fortuna familiar.

Philip Lutley Sclater (1829-1913) e Michael Rogers Oldfield Thomas (1858-1929) publicaron os catro volumes de The Book of Antelopes (O libro dos antílopes) desde 1894 até 1900. As láminas estaban a cargo de Victor Brooke, pero a súa prematura morte, a causa dun accidente de caza, detivo este proxecto.

Como naturalista, é coñecido por ser o primeiro descritor, en 1878, da nova especie Gazella walleri, antílope do Corno de África da subfamilia dos antilopinos, no traballo publicado en Proc. Zool. Soc. Lond., 1878: 929. A especie foi posteriormente reclasificada no xénero Litocranius, creado en 1886 por Franz Friedrich Kohl.

Os seus recordos de caza publicáronse postumamente: "Sir Victor Brooke: deportista e naturalista", en 1896.

Vida familiar

Casou con Alice Sophia Bellingham, filla de Sir Alan Edward Bellingham, 3 Barón de Bellingham, en 1864. Despois de casar, establecéronse na cidade de Pau Francia, onde tiveron polo menos seis fillos. O máis novo foi Alan, máis tarde mariscal de campo e 1º Vizconde de Alanbrooke. Así mesmo, foi o avó do 1º Vizconde de Brookeborough, terceiro primeiro ministro de Irlanda do Norte.

Abreviatura

A abreviatura Brooke emprégase para recoñecer o autor como autoridade na descrición e clasificación taxonómica en zooloxía.

Véxase tamén

Bibliografía

• Wilson, D. E., & Reeder, D. M., editors (2005): Mammal Species of the World — A Taxonomic and Geographic Reference. Third edition. Baltimore, Maryland, USA: Johns Hopkins University Press. ISBN 978-0-8018-8221-0.

Ligazóns externas

• Sir Victor Alexander Brooke, 3rd Bt. En thepeerage.com (en inglés).
• The Baronetage of England, Ireland, Nova Scotia, Great Britain and the United Kingdom (en inglés).