Val do Lozoya

Para outras páxinas con títulos homónimos véxase: Lozoya.

Val do Lozoya

O val do Lozoya é un val de montaña na serra de Guadarrama, no noroeste da Comunidade de Madrid, formado polo río Lozoya.

Xeografía

Val do Lozoya visto desde as inmediacións do cumio do Cerro de Valdemartín.

Val do Lozoya con Rascafría e a montaña de El Nevero ao fondo.

O val do Lozoya encóntrase limitado por unha serie de cadeas montañosas, pertenecientes todas elas ao Sistema Central, que marcan os seus límites de forma natural: os Montes Carpetanos, a serra de Somosierra (dúas partes da serra de Guadarrama) e os contrafortes máis meridionais da serra de Ayllón, perfilan o val na súa vertente norte; a serra del Lobosillo ao leste; as serras da Cuerda Larga, da Morcuera, de La Cabrera e os seus contrafortes máis orientalis até o encoro de El Atazar marcan o seu límite sur. A montaña máis alta do val é Peñalara (2 428 msnm), que tamén o é da serra de Guadarrama.

Curso alto

O curso alto do Lozoya caracterízase pola gran variedade de paisaxes e recursos naturais que alberga, e é onde se encontran os cumios máis elevados da Comunidade de Madrid, como é o caso de Peñalara. Seu relevo accidentado, así como a existencia de diferentes portos de montaña de difícil acceso, facilitaron a inaccesibilidade destes lugares, o que contribuíu favorabelmente á súa conservación. Todo iso constitúe un importante enclave de interese xeobotánico da Comunidade de Madrid, onde se localizan o Parque Natural do Cumio, Circo e Lagoas de Peñalara, o encoro de Pinilla e as lagoas do contorno de Peñalara, todas elas figuras especialmente protexidas polo seu alto valor natural, paisaxístico e ecolóxico.

Curso medio

Tamén no curso medio do Lozoya aparecen importantes recursos naturais medioambientais.

Curso baixo

No curso baixo do Lozoya encóntranse os encoros de Puentes Viejas, de El Villar e de El Atazar, que reteñen as súas augas para abastecer principalmente á cidade de Madrid, e abundan outras infraestruturas hidráulicas como canais, que denotan a importancia da auga como recurso económico ey natural. Os recursos naturais medioambientais cos que conta este curso baixo son tamén de importante valor paisaxístico e cinexético, o que fai que parte do mesmo se encontre dentro da Reserva de caza de Sonsaz.

Conca hidrográfica

Como todos os ríos ao sur do Sistema Central, pertence á conca hidrográfica do Texo. O río Lozoya desemboca no Jarama no linde da Comunidade de Madrid coa provincia de Guadalajara.

Panorámina do val do Lozoya desde o miradoiro dos Robledos

Municipios

No val do Lozoya aséntanse trinta municipios:

nº	Municipio	Superficie	Hab. (2011)	nº	Municipio	Superficie	Hab. (2011)	nº	Municipio	Superficie	Hab. (2011)
1	La Acebeda	22,06 km²	66	11	Gargantilla del Lozoya y Pinilla de Buitrago	24,12 km²	366	21	Piñuécar-Gandullas	18,19 km²	170
2	Alameda del Valle	25,01 km²	243	12	Gascones	20,04 km²	189	22	Prádena del Rincón	22,48 km²	134
3	El Atazar	29,55 km²	103	13	Horcajo de la Sierra	20,57 km²	167	23	Puebla de la Sierra	57,7 km²	96
4	El Berrueco	28,8 km²	595	14	Horcajuelo de la Sierra	24,39 km²	93	24	Puentes Viejas	58,33 km²	638
5	Berzosa del Lozoya	14,32 km²	222	15	Lozoya	57,94 km²	604	25	Rascafría	150,28 km²	1.870
6	Braojos de la Sierra	24,93 km²	198	16	Lozoyuela-Navas-Sieteiglesias	51,28 km²	1.169	26	Robledillo de la Jara	20,35 km²	106
7	Buitrago del Lozoya	26,5 km²	1.981	17	Madarcos	8,46 km²	48	27	Robregordo	18,03 km²	66
8	Canencia	52,7 km²	469	18	Montejo de la Sierra	31,95 km²	359	28	La Serna del Monte	5,44 km²	101
9	Cervera de Buitrago	12,02 km²	180	19	Navarredonda y San Mamés	27,44 km²	138	29	Somosierra	20,42 km²	97
10	Garganta de los Montes	39,66 km²	392	20	Pinilla del Valle	25,84 km²	205	30	Villavieja del Lozoya	23,29 km²	275

Economía

A economía do val do Lozoya baseouse tradicionalmente na gandaría e a explotación forestal. Porén, actualmente é o turismo o motor da economía do val, aínda que pola falta de apoio aos empresarios do sector por parte das diferentes administracións, non é capaz de explotar o lugar xeográfico privilexiado no que se encontra a tan pouca distancia da la capital de España.

Patrimonio

No val do Lozoya aséntanse pobos con importantes mostras de patrimonio histórico-artístico de alto valor cultural, entre as que destacan o Mosteiro de Santa María de El Paular, exemplos de arquitectura relixiosa e civil, así como arquitectura tradicional da Serra, xa que todos os municipios conservan hoxe en día mostras de construcións tradicionais como potros de ferrar, antigos conxuntos agropecuarios, fraguas, palleiras etc.