Unión Monárquica Nacional

Na Galipedia, a Wikipedia en galego.

Unión Monárquica Nacional (UMN) foi un partido político español, fundado en 1930 por ex-dirixentes da Ditadura de Primo de Rivera, ao desaparecer esta, e no que volverían reunir os antigos membros da Unión Patriótica[1][2], o partido único da Ditadura.

Historia[editar | editar a fonte]

Rafael Benjumea, Conde de Guadalhorce, membro da UMN.

O partido xa estaba formado o 24 de marzo de 1930, oito días despois do falecemento do ditador, aparecendo José Antonio Primo de Rivera, fillo do ditador, como vicesecretario segundo na Xunta Nacional xa constituída[3]. Posteriormente, ao reunírense moitos dos ex ministros da Ditadura no enterro de Miguel Primo de Rivera, o 3 de abril de 1930, dous meses despois de perderen o poder, aproveitaron para asinar un manifesto do novo partido[1]. Del saiu o programa que se publicó na prensa o día 5 e no que xunto á defensa de Primo de Rivera e maila súa obra, se precisaba a defensa de "una España grande, gloriosa, culta, cristiana, tolerante, ordenada, trabajadora, progresista, respetada en el extranjero y con honda fe en sus altos destinos".[4]

As figuras máis destacadas, eran José Calvo Sotelo, Ramiro de Maeztu, José de Yanguas Messía, Eduardo Callejo de la Cuesta, Galo Ponte y Escartín, o marqués de Quintanar, Manuel Delgado Barreto -director de La Nación-, o ex presidente do comité executivo de Unión Patriótica, José Gavilán, José Antonio Primo de Rivera e Rafael Benjumea, conde de Guadalhorce, que se converteu no xefe do partido por desexo do falecido ditador e Santiago Fuentes Pila como secretario xeral[5]. A súa ideoloxía, a parte de defender o legado da ditadura, consistía nun nacionalismo católico como o expresado por Ramiro de Maeztu[6].

Durante todo o ano 1930, meses antes da proclamación da Segunda República Española, foron praticamente a única formación organizada politicamente que reivindicou o réxime monárquico. Seguirá funcionando até abril de 1931 cando se disolveu[3] por mor dos pésimos resultados obtidos nas eleccións municipais do 12 de abril, que acabaron traendo a Segunda República.

Ao proclamarse a República, unha gran parte dos seus dirixentes foron procesados e encarcerados. Outros como José Calvo Sotelo ou o conde de Guadalhorce tiveron que se exiliaren. En 1934, durante o Bienio radical-cedista, trala amnistía concedida, os seus dirixentes foron rehabilitados e iranse reintegrando na vida política a través dun novo partido fundado por José Calvo Sotelo, Renovación Española.

Tralo golpe de estado de 1936, algúns dos seus dirixentes foron vítimas da represión producida no bando republicano.

Notas[editar | editar a fonte]

  1. 1,0 1,1 Álvarez Chillida, Gonzalo (1996). José María Pemán, pensamiento y trayectoria de un monárquico. (1897-1941). Cádiz: Servicio de Publicaciones de la Universidad de Cádiz. p. 35. ISBN 8477863059. 
  2. Avilés Farré, Juan; Elizalde Pérez-Grueso, Mª Dolores; Sueiro Seoane, Susana (2002). Historia política de España, 1875-1939. vol.XVII. Istmo. p. 319. ISBN 84-7090-320-9. 
  3. 3,0 3,1 Thomàs, Joan María (2017). José Antonio: Realidad y mito. Debate. ISBN 9788499927503. 
  4. Robles Muñoz, Cristóbal (2013). La Santa Sede y la II República (1931) . De la conciliación al conflicto. Madrid: Visión Libros. p. 271. ISBN 978-84-15965-20-6. 
  5. Sanz Hoya, Julián (2006). De la resistencia a la reacción: las derechas frente a la Segunda República (Cantabria 1931-1936). Santander: Universidad de Cantabria. p. 75. ISBN 84-8102-420-1. 
  6. González Cuevas, Pedro Carlos (2003). Maeztu: biografía de un nacionalista español. Madrid: Marcial Pons Historia. p. 252. ISBN 84-95379-65-1. 

Véxase tamén[editar | editar a fonte]

Bibliografía[editar | editar a fonte]

  • Álvarez Chillida, Gonzalo (1996) José María Pemán, pensamiento y trayectoria de un monárquico. (1897-1941), Cádiz: Servicio de Publicaciones de la Universidad de Cádiz. ISBN 8477863059