Uljana Semjonova

Uljana Semjonova

Nome orixinal	(lv) Uļjana Semjonova
Biografía
Nacemento	9 de marzo de 1952 (72 anos) Zarasai (pt)
Datos persoais
País de nacionalidade	Unión Soviética Letonia
Altura	210 cm
Peso	128 kg
Actividade
Ocupación	baloncestista
Nacionalidade deportiva	Unión Soviética
Deporte	baloncesto
Posición de xogo	Pivote
Traxectoria   Equipo - TTT Riga (en)
Participou en
1985	EuroBasket 1985 Women (en)
1983	Campeonato Mundial de Basquetebol Feminino de 1983 (pt)
1983	EuroBasket 1983 Women (en)
1981	EuroBasket 1981 Women (en)
1980	EuroBasket 1980 Women (en)
1980	Xogos Olímpicos de 1980
1978	EuroBasket 1978 Women (en)
1976	Xogos Olímpicos de 1976
1976	EuroBasket 1976 Women (en)
1975	Campeonato Mundial de Basquetebol Feminino de 1975 (pt)
1974	EuroBasket 1974 Women (en)
1973	Universíada de Verão de 1973 (pt)
1972	EuroBasket 1972 Women (en)
1971	Campeonato Mundial de Basquetebol Feminino de 1971 (pt)
1970	EuroBasket 1970 Women (en)
1968	EuroBasket 1968 Women (en)
Premios  Orde de Lenin  Orden da Amistade  Women's Basketball Hall of Fame (en)  Mestre emérito do deporte da Unión Soviética  Bandeira Vermella do Traballo  Orde das Tres Estrelas  Orde da Amizade dos Pobos  FIBA Hall of Fame (pt)

Uļjana Larionovna Semjonova (en ruso: Ульяна Ларионовна Семёнова), nada en Zarasai (RSS de Lituania, Unión Soviética) o 9 de marzo de 1952, é unha ex xogadora de baloncesto soviética.

Con 2,13 metros de estatura, está considerada a xogadora máis dominadora do baloncesto mundial nas décadas de 1970 e 1980. Desenvolveu case toda a súa carreira no TTT Riga, co que gañou 15 ligas soviéticas e 11 Copas de Europa. Piar fundamental da selección soviética durante case 20 anos, só perdeu un partido como internacional, o da súa despedida en 1986. Gañou coa selección dúas medallas de ouro olímpicas, tres Campionatos do Mundo e 11 Campionatos de Europa.

Traxectoria

Aos 13 anos medía xa 1,93 metros, o que chamou a atención dos técnicos do TTT Riga, o mellor club de baloncesto da Unión Soviética por aquel entón. Aos 15 anos debutou co primeiro equipo e na súa primeira campaña gañou a súa primeira liga soviética. Con Semjonova liderando o equipo, o TTT Riga fíxose case invencible, e durante as seguintes dúas décadas conquistou 15 ligas e 11 Copas de Europa. En 1987 gañou o seu último título co Riga, a Copa Ronchetti.

En decembro de 1987 fichou polo Tintoretto de Xetafe, club que viña de ascender á Primeira División de España. O equipo ocupaba postos de descenso naquel momento, pero todo mudou coa chegada de Semjonova, que debutou con 22 puntos e 31 rebotes na vitoria por 92-47 sobre o Canoe. A súa presenza disparou a fama do club en todo o país, e a pesar dos seus problemas físicos, conseguiu sacar o equipo dos postos de descenso, metelo nos play-offs polo título e acadar a final contra o Caixa Tarragona. A continuación xogou unha última tempada no Valenciennes-Orchies, onde puxo fin á súa carreira.

Selección soviética

Debutou coa selección soviética aos 16 anos e liderou o equipo durante os seguintes 18 anos, gañando tres Campionatos do Mundo e 11 Campionatos de Europa, así como dúas medallas de ouro olímpicas, nos Xogos de 1976 e 1980. Competiu por última vez coa selección en 1986, nos Goodwill Games en Moscova, onde perdeu a final contra os Estados Unidos. Foi a súa primeira e única derrota coa Unión Soviética.

Recoñecementos

Foi galardoada coa Bandeira Vermella do Traballo en 1976, e en 1993 converteuse na primeira muller non estadounidense consagrada no Salón da Fama do Baloncesto. Foi membro inaugural do Salón da Fama do Baloncesto Feminino na promoción de 1999. En 2007, foi inscrita no Salón da Fama da FIBA.

Véxase tamén

Ligazóns externas

• Datos da xogadora no sitio web da FIBA (en inglés).
• Datos da xogadora como internacional sitio web da FIBA (en inglés).
• Datos da xogadora en Basketball-Reference.com (en inglés).