Uch ou Uch Sharif (en urdú: اوچ شریف) é unha antiga cidade de Paquistán a uns 60 quilómetros ao sueste de Bahawalpur, na provincia do Panxab. Antigamente ficaba na confluencia dos ríos Indus e Chenab, mais na actualidade fica a uns 100 quilómetros da confluencia. No século XIIi constrúense a Tumba de Bibi Jawindi, a Tumba de Bahaal-Halim e a Tumba de Djalal al-Din Bukhari, consideradas pezas mestras da arquitectura musulmá e están incluídas na lista do Patrimonio da Humanidade da UNESCO. A poboación no 1901 era de 7.583 habitantes nun conxunto de tres pobos pequenos.
Unha inundación a principios do século XIX provocou danos importantes nas tumbas, incluíndo problemas estruturais e deterioracións.[1] Como os problemas persistiron, o "Complexo Monumental de Uch" foi incluído na lista de observación da World Monuments Fund en 1998, 2000 e 2002.[2]
