UCAM Murcia Club de Fútbol

Na Galipedia, a Wikipedia en galego.
(Redirixido desde "UCAM Murcia CF")
Saltar ata a navegación Saltar á procura
UCAM Murcia
NomeUniversidad Católica de Murcia Club de Fútbol
Fundación1999
EstadioLa Condomina,
Murcia, España
Inauguración1924
Capacidade17.500
PresidenteEspaña José Luis Mendoza Pérez
AdestradorEspaña José María Salmerón
Liga2ªB - Grupo IV
2016–1719º (Segunda División)
Páxina webPáxina web
Na casa
Fóra
Terceira

O Universidad Católica de Murcia Club de Fútbol, coñecido como UCAM Murcia, é un club de fútbol español da cidade de Murcia. Foi fundado en 1999 e dende 2011 pertence á Universidade Católica San Antonio. Xoga actualmente na Segunda División B, logo de descender na tempada 2016/17.

Historia[editar | editar a fonte]

En 1999 fúndase o Universidad Católica San Antonio de Murcia C.F., club que compite en Terceira División varias tempadas ata 2005 que deixa de competir o primeiro equipo. Paralelamente fúndase o Club de Fútbol Los Garres en 2004, competindo en fútbol base durante varias tempadas.

Na campaña 2005/06 o club participa xunto ao seu equipo filial en Primeira Territorial, conseguindo o ascenso a Preferente. Na tempada 2006/2007 o equipo filial desaparece e o primeiro equipo é vendido a outro club de fútbol base, o Murcia Deportivo Club de Fútbol. Esta denominación foi mantida durante tres tempadas nas que disputaron os seus partidos como local en Santiago el Mayor, Rincón de Seca (baixo o amparo da A.D. Rincón de Seca) e a capital. Na tempada 2007/2008 o club acaba en cuarta posición en Territorial Preferente, o que lle vale o ascenso á Terceira División.

Na tempada 2008/2009 o club debuta na Terceira División do fútbol español. Esta tempada o club trasládase da pedanía de Los Garres ao estadio José Barnés da cidade de Murcia. Esta tempada o club acaba na décimo segunda posición da clasificación.

Na tempada 2009/2010 o club trasládase a Beniaján e pasa a denominarse como Costa Cálida Beniaján Club de Fútbol. Nesta primeira tempada en Beniaján o club acaba en cuarta posición no Grupo XIII da Terceira División, converténdose no equipo revelación da liga e xogando os playoff de ascenso a Segunda División B. Na primeira rolda dos playoff enfróntase ao Cerceda CF, caendo o Costa Cálida tanto no partido de ida en Los Marques de Beniaján por un 1-3 e no de volta en Galicia por un 1-0.

Na tempada 2010/2011 o equipo abandona a pedanía de Beniaján para trasladarse a Sangonera la Verde. No verán de 2010 o presidente do equipo pide o José Barnés ao Concello de Murcia, pero debido ao traslado do Sangonera a Lorca o campo de El Mayayo de Sangonera la Verde queda libre. O Concello ofrécello ao Costa Cálida e o equipo acepta e trasládase á pedanía de Sangonera la Verde, xa que El Mayayo é un campo máis amplo e mellor preparado que o Estadio de Los Marques de Beniaján para acoller partidos de Terceira ou ata de Segunda B. Tamén cambia de nome a Costa Cálida Sangonera Club de Fútbol. No deportivo o club continua no Grupo XIII da Terceira División no que acaba en primeira posición e isto permítelle xogar o playoff de ascenso a Segunda B. Na primeira rolda dos playoff de ascenso a enfrontouse ao Marino de Luanco, no partido de ida o resultado foi de 2-2, e no partido de volta o Marino de Luanco gañou cun contundente 3-0 que lle valeu o pase á segunda rolda e supuxo a eliminación do Costa Cálida.

Na tempada 2011/2012 a Universidade Católica San Antonio de Murcia chega a un acordo de patrocinio e colaboración pasando o equipo a chamarse Universidad Católica de Murcia Club de Fútbol. A partir dese momento José Luis Mendoza pasou a ser o presidente do equipo e Juan Nicolás, ata entón presidente do club, pasou a ser vicepresidente do UCAM Murcia CF. Nesta primeira tempada coa UCAM como patrocinador principal o club acaba sexto no Grupo XIII da Terceira División Española. Este ano o club debuta na Copa do Rei e chega ata a segunda rolda onde cae eliminado ante o Deportivo Alavés.

Na tempada 2012/2013 xoga en Segunda División B ocupando a vacante deixada polo Orihuela CF tras o seu descenso administrativo.[1] O equipo dirixido por Luis García Tevenet está moi preto de lograr a permanencia, chegando á última xornada con opcións de salvación. Con todo, non se se produce a combinación de resultados necesaria e confírmase o descenso do conxunto universitario.

Na tempada 2013/2014, con Gabi Correa no banco, o Universidad Católica de Murcia C. F. comeza unha nova etapa na Terceira División, proclamándose campión do grupo XIII o 17 de abril de 2014 no seu partido contra o Olímpico de Totana. Ese logro chegaba a falta de tres xornadas para que acabase a liga. Tras lograr o primeiro posto, o UCAM Murcia CF afrontaba a súa eliminatoria de ascenso directo a Segunda B fronte ao Real Betis B, logrando o salto de categoría despois de impoñerse ao filial verdibranco por 2-1 no partido de ida e empatando, 1-1, no encontro de volta disputado na Cidade Deportiva Luis del Sol.

A tempada 2014/15 comeza coa contratación de Pedro Luis Reverte Carrión como director deportivo e Eloy Jiménez como adestrador do Universidad Católica de Murcia C.F. Posteriormente, alcánzase un acordo co Concello de Murcia mediante o cal, o Estadio de La Condomina pasa a converterse no novo escenario do club para a disputa dos seus partidos oficiais. Esa campaña, o equipo termina en segunda posición no Grupo IV de Segunda División B. Na fase de ascenso a Segunda, tras eliminar á Real Unión de Irún cae contra o Bilbao Athletic, que posteriormente subiría en Cádiz.

Na campaña 2015/16 o adestrador pasa a ser José María Salmerón. Esta campaña o equipo termina en primeira posición, o que lle permite xogar o playoff de ascenso a Segunda novamente. Xógao contra o Real Madrid Castilla, ao que elimina tras gañar 2-1 na Condomina e empatar 2-2 no estadio Alfredo Di Stéfano logrando así o seu primeiro ascenso a Segunda División. Proclámase, ademais, campión absoluto da categoría ao gañar nos penaltis ao Reus Deportiu despois de dous empates a cero.

Datos do club[editar | editar a fonte]

  • Tempadas en : 0
  • Tempadas en : 1
  • Tempadas en 2ªB: 4 (incluída a 2017/18)
  • Tempadas en : 5
  • Participacións na Copa do Rei: 5

Historial na liga[editar | editar a fonte]

Tempada Categoría Posto
2008/09 16º
2009/10
2010/11
2011/12
2012/13 2ªB 17°
2013/14
2014/15 2ªB
2015/16 2ªB
2016/17 19º
2017/18 2ªB

Palmarés[editar | editar a fonte]

Torneos nacionais[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]