Club de Futbol Reus Deportiu

Reus Deportiu
Reus Deportiu
Nome	Club de Fútbol Reus Deportiu S.A.D.
Alcume(s)	Ganxets
Fundación	1909
Estadio	Estadi Municipal,; Reus, España
Inauguración	1978
Capacidade	4.500
Presidente	Clifton V Onolfo
Liga	Expulsado
2018–19	22º
Na rede
	http://www.cfreusdeportiu.com
Titular	Alternativo

O Club de Futbol Reus Deportiu é un club de fútbol español da cidade de Reus, na provincia de Tarragona. Foi fundado en 1909.

Non debe confundirse co Reus Deportiu; por ben que ambos os clubs compartiron un pasado común (e as cores roxinegras), actualmente son sociedades distintas. Mantén unha forte rivalidade co Gimnàstic de Tarragona.

Historia[editar | editar a fonte]

O Club Deportiu Reus foi fundado o 23 de novembro de 1909, sobre os cimentos do desaparecido Reus Sport Club. Inicialmente dedicábase exclusivamente á práctica do fútbol, sendo o seu primeiro recinto de xogo o velódromo da rúa Sant Joan. En 1913 estreou o seu primeiro campo fixo, na estrada de Salou. Ata 1927 non estrearía o seu primeiro campo de propiedade, un estadio situado na rúa Gaudí.

O 29 de setembro de 1917 se oficializó a unión do CF Reus co Club Velocipedista e o SC Olímpia, converténdose nun club polideportivo, cuxo nome pasou a ser Reus Deportiu.

En 1918 foi aceptado como membro da Federació Catalana de Futbol, o que lle permitiu empezar a competir de xeito oficial. En 1923 e 1924 proclamouse campión de Cataluña en segunda categoría. Con todo, a Guerra civil española freou a súa progresión.

Nos anos 40, tras o conflito bélico e co auxe do profesionalismo deportivo, o Reus Deportiu empezou a sufrir unha importante crise económica, que lle levou a escindirse, en 1951, en dúas entidades: o CF Reus Deportiu, dedicado exclusivamente á práctica do fútbol, e doutra banda o Reus Deportiu, que conservou as outras seccións, sendo a máis destacada o hóckey a patíns.

En outubro de 1977 o CF Reus Deportiu inaugurou na rúa Alcover o Camp Nou, o seu actual estadio. Poucos anos despois, a tempada 1980-81, proclamouse campión de Terceira división e ascendeu por primeira vez a Segunda división B, que é a maior categoría alcanzada na súa historia. En Segunda B permaneceu dous anos, ata perder a categoría en 1983.

Logo virían anos difíciles, nos que o Reus chegou a caer a categoría rexional. A finais dos anos 90 rexurdiu: regresou a Terceira división en 1999 e en 2002 lograba novamente ascender, converténdose desde entón nun equipo ascensor entre Terceira e Segunda B.

Na actualidade de hoxe en día, o CF Reus Deportiu crece aos poucos, e cando anos atrás era un modesto equipo de Terceira división, agora na actualidade, é un equipo que sempre esta entre os catro primeiros clasificados, loitando sempre por subir a segunda B, a última vez na tempada 2006-2007 que chegou á final, pero que non puido lograr o ascenso pola eliminación do Betis Balompé "B".

Os dous últimos anos, o CF Reus Deportiu tamén alcanzou a cota de Play-Off de ascenso a Segunda División B, caendo na tempada 2007-08 en 1ª Rolda ante o Sangonera murciano (equipo que posteriormente alcanzaría o ascenso) e na tempada 2008-09 ante o equipo balear do Benissalem.

Ao ano seguinte nos play-offs caería por 4ª vez consecutiva ante o Jerez de los Caballeros, coa polémica do xogador Ferredinha, expulsado en Reus, que foi indultado pola Federación Española, puido xogar en Xerez e marcou o 1-0 que sirviría para deixar ao equipo reusense eliminado.

Na tempada 2007-08 tamén chegou a alcanzar a Final da Copa da RFEF, eliminatoria a dobre partido na que caeu eliminado fronte ao campión daquela edición o CD Ourense.

Na tempada 2010-11, tras finalizar a campaña regular en 4ª posición, e superar con éxito os cruces de play-off contra Universidad de Oviedo, Náxara CD e CD Comarca de Níjar, o conxunto roxinegro volveu cinco anos despois á categoría de bronce do fútbol español, a Segunda División B, categoría onde militará a partir da tempada 2011-12.

Uniforme[editar | editar a fonte]

Primeiro uniforme: Camiseta vermella e negra, pantalón negro e medias negras.
Segundo uniforme: Camiseta azul, pantalón azul e medias brancas.

Estadio[editar | editar a fonte]

Artigo principal: Estadi Municipal de Reus.

O seu actual estadio é o Estadi Municipal de Reus, un recinto con capacidade para 4.500 espectadores inaugurado en 1977 e que desde 1984 é de titularidade municipal. É o cuarto campo na historia do CF Reus Deportiu, tras o campo da Estrada de Salou (1913-1919), o Campo do Camí de l'Aleixar (1919-1927) e o estadio da rúa Gaudí (1927-1977).