Trombospondina

Na Galipedia, a Wikipedia en galego.
Saltar ata a navegación Saltar á procura
Trombospondina
PDB 1lsl EBI.jpg
Trombospondina-1
Identificadores
SímboloTSP_1
PfamPF00090
InterProIPR000884
SMARTSM00209
PROSITEPS50092
SCOPe1lsl / SUPFAM

As trombospondinas son unha familia de glicoproteínas segregadas con funcións antianxioxénicas. Debido ao seu papel dinámico na matriz extracelular son consideradas proteínas matricelulares.[1] O primeiro membro da familia, a trombospondina 1, descubriuno en 1971 Nancy L. Baenziger.[2]

Tipos[editar | editar a fonte]

As trombospondinas (TSP) son unha familia de proteínas multifuncionais. A familia consta das trombospondinas 1 á 5 e pode dividirse en dous subgrupos: A, que contén TSP-1 e TSP-2, e B, que contén TSP-3, -4 e -5 (tamén designada proteína oligomérica de cartilaxe ou COMP). A TSP-1 e -2 son homotrímeros, que constan de tres subunidades idénticas, mentres que TSP-3, -4 e -5 son homopentámeros.

A TSP-1 e a TSP-2 prodúcenas os astrocitos inmaduros durante o desenvolvemento cerebral, o cal promove o desenvolvemento de novas sinapses.[3]

Trombospondina 1[editar | editar a fonte]

A trombospondina 1 (TSP-1) está codificada polo xene THBS1 (ou TSP-1). Foi illada por primeira vez de plaquetas que foran estimuladas con trombina, polo que foi designada 'proteína sensible á trombina'.[2] Desde o seu primeiro recoñecemento, atopáronse funcións da TSP-1 en moitos procesos biolóxicos, como a anxioxénese, apoptose, activación do TGF-beta e regulación inmune. Por tanto, a TSP-1 considérase unha proteína multifuncional.

O TSP-1 ten múltiples receptores, entre os que hai que salientar CD36, CD47 e as integrinas.

O TSP-1 é un antianxioxénico, que inhibe a proliferación e migración de células endoteliais por interaccións co CD36 expresado na superficie destas células. Os péptidos inhibitorios e fragmentos de TSP-1 únense a CD36, o que causa a expresión do ligando de FAS (FasL), que activa o seu receptor específico e moi común, Fas. Isto orixina a activación de caspases e a apoptose da célula. Como os tumores que sobreexpresan TSP-1 crecen normalmente lentamente, mostran menos anxioxénese e teñen poucas metástases, a TSP-1 é unha diana atractiva para o tratamento do cancro. Como a TSP-1 é extremadamente grande (~120 kDa por monómero), e non é moi abondosa nin exerce múltiples accións, a súa utilidade clínica é cuestionable. Porén, están sendo comprobadas moléculas pequenas baseadas nunha secuencia de péptido que se une a CD36 desde a TSP-1. Un análogo, ABT-510, mostra unha actividade proapoptótica potente en células cultivadas, mentres que clinicamente é ben tolerada con beneficios terapéuticos contra varios cancros.[4] ABT-510 está sendo avaliada en ensaios clínicos en fase II para o tratamento de varios tipos de cancro.[5]

Proteínas humanas que conteñen este dominio[editar | editar a fonte]

ADAMTS1; ADAMTS10; ADAMTS12; ADAMTS13; ADAMTS14; ADAMTS15; ADAMTS16; ADAMTS17; ADAMTS18; ADAMTS19; ADAMTS2; ADAMTS20; ADAMTS3; ADAMTS4; ADAMTS5; ADAMTS6; ADAMTS7; ADAMTS8; ADAMTS9; ADAMTSL1; ADAMTSL2; ADAMTSL3; ADAMTSL4; ADAMTSL5; BAI1; BAI2; BAI3; C6; C7; C8A; C8B; C9; C9orf8; C9orf94; CFP; CILP; CILP2; CTGF; CYR61; HMCN1; LIBC; NOV; PAPLN; RSPO1; RSPO3; SEMA5A; SEMA5B; SPON1; SPON2; SSPO; THBS1; THBS2; THSD1; THSD3; THSD7A; THSD7B; UNC5A; UNC5B; UNC5C; UNC5D; WISP1; WISP2; WISP3;

Notas[editar | editar a fonte]

  1. Morris, Aaron H.; Kyriakides, Themis R. (July 2014). "Matricellular proteins and biomaterials". Matrix Biology 37: 183–191. PMC 4167162. PMID 24657843. doi:10.1016/j.matbio.2014.03.002. 
  2. 2,0 2,1 Baenziger NL, Brodie GN, Majerus PW (January 1971). "A Thrombin-Sensitive Protein of Human Platelet Membranes". Proc. Natl. Acad. Sci. U.S.A. 68 (1): 240–3. PMC 391203. PMID 5276296. doi:10.1073/pnas.68.1.240. 
  3. Christopherson KS; Ullian EM; Stokes CC; Mullowney CE; Hell JW; Agah A; Lawler J; Mosher DF; Bornstein P; Barres BA. (2005). "Thrombospondins are astrocyte-secreted proteins that promote CNS synaptogenesis". Cell 120 (3): 421–33. PMID 15707899. doi:10.1016/j.cell.2004.12.020. 
  4. Haviv F, Bradley MF, Kalvin DM, et al. (April 2005). "Thrombospondin-1 mimetic peptide inhibitors of angiogenesis and tumor growth: design, synthesis, and optimization of pharmacokinetics and biological activities". Journal of Medicinal Chemistry 48 (8): 2838–46. PMID 15828822. doi:10.1021/jm0401560. 
  5. Sorbera LA, Bayes M (2005). "ABT-510: oncolytic angiogenesis inhibitor". Drugs of the future (Prous Science) 30 (11): 1081–6. doi:10.1358/dof.2005.030.11.949588. 

Véxase tamén[editar | editar a fonte]

Ligazóns externas[editar | editar a fonte]