Treixadura (grupo musical)
| Treixadura | |
|---|---|
 César Longa, compoñente do grupo. | |
| Orixe | Redondela,  Galiza |
| Período | 1990–actualidade |
| Xénero(s) | Folk , Música galega |
| Membros | Antón López César Longa Pablo Nogueira Magoia Bodega Xaquín Xesteira |
| Na rede | |
| http://www.treixadura.com/index.php | |
         | |
Treixadura é grupo de música galega creado en Redondela en 1990.
Traxectoria
A andaina da agrupación comezou en xullo de 1990 cos gaiteiros Antón e Xan López, Xaquín Xesteira e Xabier Martínez como membros orixinais. Ó ano seguinte súmaselles Ramón Vázquez, "O Chilro", e comezan a desenvolver un estilo propio que ten como eixo fundamental a música, os ritmos, as cantigas e os instrumentos tradicionais galegos.
O 30 de xuño de 1992 dan o seu primeiro concerto no muíño vello de Redondela e comezan a realizar actuacións por toda a xeografía galega e tamén no resto do estado. En 1995, Paulo Nogueira substitúe a Xabier Martínez, e en 1996 publícase o seu primeiro álbum chamado Obrigado. En 1998, Ramón Vázquez abandona o grupo e César Longa entra como acordeonista. En 1999 presenta o seu segundo disco Unha noite no muíño e no 2000 fai unha colaboración con Rodrigo Romaní en Albeida, primeiro disco do que fora membro de Milladoiro e acompáñano na súa xira de presentación.
O seu terceiro traballo discográfico foi presentado no 2003 baixo o título de Unha noite non é nada, sendo tamén o xermolo do Orfeón Treixadura. Entre os anos 2004 e 2005, Treixadura formou parte do espectáculo Son de Aquí, xuntos con outras agrupacións como Leilía, Tanxarina e Quico Cadaval. Tamén no 2005 participa con Donicelas no seu traballo Que nunca foi abalada e xa no 2006 bota a andar o álbum Unha semaniña enteira, no que o Orfeón Treixadura participou de cheo.
No 2008, Xan López deixa o grupo e é substituído por Magoia Bodega, quedando así o grupo constituído polos cinco membros cos que conta na actualidade. No 2010 participa nun traballo colectivo de música galega titulado Cantigas do camiño, e no 2011 o orfeón queda definitivamente encadrado dentro da agrupación. Nese mesmo ano publican o seu último disco titulado Esa si que é muiñada.
En 2015, polo seu 25 aniversario publican o disco Vendima Tarda o cal foi gravado en directo no Teatro García Barbón en Vigo xunto co coro Cantigas e Agarimos de Santiago de Compostela.
Membros
Membros actuais
- Antón López "Toniño": Tambor (membro fundador)
- César Longa: Acordeón
- Paulo Nogueira: Gaita
- Magoia Bodega: Gaita e bombo.
- Xaquín Xesteira: Gaita (membro fundador)
- Orfeón Treixadura (10 voces masculinas): Alberte Raposo (Tenor), Toño D. Fontenla (Tenor), Antón Cabaleiro (Barítono), Xurxo Raposo (Barítono), Pablo Rei (Barítono), Quico Obelleiro (Barítono), Álvaro Lamas (Baixo), Gustavo Cuntín (Baixo) e Moncho Marín (Baixo).
Antigos membros
- Xan López (membro fundador)
- Xabier Martínez (membro fundador)
- Ramón Vázquez "O Chilro"
- Delio Domínguez
- Mingos Lorenzo
- Morgan
- Tino Baz
Discografía
Álbums
- Obrigado (1996)
- Unha noite no muíño (1999)
- Unha noite non é nada (2003)
- Unha semaniña enteira (2006)
- Esa si que é muiñada (2011)
- Vendima Tarda (2015)
Véxase tamén
 |
Wikimedia Commons ten máis contidos multimedia na categoría: Treixadura  |
