Trastorno depresivo maior

Trastorno depresivo maior
Aviso médico. Atención! Wikipedia non dá consellos médicos. Se cre que pode requirir tratamento, consúltello ao médico.
Pintura de 1890 de Vincent van Gogh Na porta da eternidade
Instancia de clase de doenza  Subclase de Trastornos depresivos doenza depresión saúde mental  Aspecto de saúde da muller saúde do home  Causado por xenética factor ambiental Q127525993
Características
Especialidade médica psiquiatría
Síntomas depressive syndrome (en) depresión trastorno da alimentación disfunción executiva disforia cansazo desorde do sono
Factor de risco abuso de substancias doenza crónica historial médico familiar
Tratamentos posibles antidepresivo Estimulación magnética transcranial psicoterapia fototerapia
Fármacos para tratamento inibidor seletivo de recaptação de serotonina (pt) duloxetina (pt) maprotilina (pt) levosulpiride (en) antidepresivo ketamina wake therapy (en) vilazodone hydrochloride (en) amoxapina (pt) inibidor selectivo da recaptação da serotonina e da noradrenalina (pt) Levomilnaciprano (pt) Bupropion (en) agomelatina (pt) vortioxetina (pt)
Códigos e identificadores Freebase /m/02bft MeSH D003865 Thesaurus do NCI C34796 DiseasesDB 3589 CIE-11 578635574 CIE-10 F33 OMIM 608520 MedlinePlus 003213 eMedicine 286759 OpenAlex C2780051608 KEGG H01646
Fontes e ligazóns  Descrito pola fonte Enciclopedia de Otto "Depresse" Merck Manual of Diagnosis and Therapy (en)
Wikidata C:Commons

O trastorno depresivo maior (MDD polas súas siglas en inglés) tamén coñecido como depresión clínica, depresión maior, depresión unipolar ou trastorno unipolar depresivo; ou como depresión recorrente no caso de presentarse repetidos episodios) é unha enfermidade mental que se caracteriza por un estado de ánimo invasivo e persistente acompañado dunha baixa autoestima e unha perda de interese ou de pracer (anhedonia) en actividades que normalmente se considerarían entretidas. O termo “depresión” é empregado de moitas formas diferentes. É comunmente utilizado para referirse a esta síndrome, pero pode referirse, tanto a outros diversos estados de ánimo ou a un estado de ánimo en específico. O trastorno depresivo maior é unha condición que afecta de maneira adversa aos familiares, compañeiros de traballo ou de estudo, ós hábitos de soño e alimentación e a saúde en xeral. Entre o 2 e o 7% dos adultos con depresión maior morren por suicidio, e até un 60% das persoas que morren por suicidio teñen depresión ou outro trastorno do estado de ánimo.

O diagnóstico do trastorno depresivo baséase nas experiencias do paciente, no comportamento reportado por amigos ou familiares e unha avaliación do estado mental. Non existe unha proba de laboratorio que diagnostique o trastorno de depresión maior; con todo, os médicos xeralmente solicitan probas que revelen condicións físicas que poidan provocar síntomas similares. Comunmente, as persoas que padecen deste trastorno comezan a mostrar síntomas entre os 20 e 30 anos, con maior presenza entre os 30 e os 40 anos.

As persoas son tratadas con antidepresivos e, en moitos casos, reciben asistencia, particularmente terapia cognitiva da conduta. O tratamento por medio de medicamentos parece ser efectivo, porén, en ocasións o efecto vese reflectido unicamente en pacientes que padecen de depresión severa. A hospitalización chega a ser necesaria en casos asociados con auto-neglixencia ou cando hai certo nivel de risco de dano a si mesmo ou a outras persoas. A terapia electroconvulsiva podería ser outra alternativa para tratar o trastorno depresivo maior. O desenvolvemento do trastorno varía amplamente, dende un episodio de semanas, até unha enfermidade crónica. Os individuos deprimidos teñen unha menor esperanza de vida que aqueles sen depresión, isto relaciónase de gran maneira coa susceptibilidad a padecer enfermidades médicas. Non está claro se a medicación afecta ó risco de cometer suicidio. Todo tipo de pacientes, tanto actuais como aqueles que padeceron a enfermidade nalgún punto, poden resultar estigmatizados.