Torneo Lipstick
 Copa entregada ao equipo campión do Torneo Lipstick. | |
| Fundación | 1978 |
|---|---|
| Rexión | Finlandia |
| Club máis exitoso | Ilves Naiset (3 títulos) |
O Torneo Lipstick (en finés Lipstick-turnaus) foi un torneo non oficial de hóckey sobre xeo feminino disputado en Finlandia entre 1978 e 1982. O equipo campión do torneo era considerado o campión non oficial de Finlandia.
Historia[editar | editar a fonte]
O hóckey sobre xeo feminino comezou a desenvolverse en Finlandia a principios da década de 1970, cando se crearon os primeiros equipos femininos, que carecían dunha competición organizada e era frecuente que os equipos de mulleres disputaran partidos contra equipos júnior masculinos, como ocorría no caso do Ilves.[1][2]
En 1978 creouse o Torneo Lipstick, un torneo sen carácter oficial no que competían os mellores equipos femininos de Finlandia e algúns equipos invitados procedentes de Norteamérica. O primeiro equipo campión foron as Mississauga Indians do Canadá. O torneo funcionou como campionato de Finlandia non oficial e celebrou a súa derradeira edición en 1982.[3] Un ano despois naceu a Naisten SM-sarja, o campionato oficial de Finlandia organizado pola Federación Finlandesa de Hóckey sobre Xeo.[4]
Palmarés[editar | editar a fonte]
| Tempada | Campión |
|---|---|
| 1978 |  Mississauga Indians
|
| 1979 |  Jäähonka
|
| 1980 |  Ilves
|
| 1981 | Ilves
|
| 1982 | Ilves
|
Notas[editar | editar a fonte]
- ↑ Panel de información da liga feminina de Finlandia no Museo finlandés do hóckey sobre xeo na primavera de 2023 (consultado o 30 de abril de 2023).
- ↑ Wacklin, Matti (2006). Sydämenasiana Ilves (en finés). Tampere: Ilves. p. 114. ISBN 952-92-0783-2.
- ↑ Panel de descrición da copa do Torneo Lipstick na exposición do Museo finlandés do hóckey sobre xeo na primavera de 2023 (consultado o 30 de abril de 2023).
- ↑ "Jääkiekon Naisten Liiga 40 vuotta" (en finés). Leijonat.fi. Consultado o 30 de abril de 2023.
