Tim Staffell

Na Galipedia, a Wikipedia en galego.
Tim Staffell
Tim Staffell at the Ealing Blues Festival 2019 (48473022736) (cropped).jpg
Nacemento24 de febreiro de 1948
Lugar de nacementoEaling
NacionalidadeReino Unido
Ocupaciónbaixista, cantante, guitarrista, compositor de cancións e deseñador
Na rede
http://www.timstaffell.com/
IMDB: nm2636101 Facebook: timstaffell Instagram: timstaffell Bandcamp: timstaffellSouncloud: little-steam Musicbrainz: 4102a510-b01e-4e8c-9d58-4cdb37b665b7 Discogs: 667382 Allmusic: mn0001755370 Editar o valor em Wikidata
editar datos en Wikidata ]

Timothy John Staffell (coñecido como Tim Staffell), nado o 24  de febreiro de 1948 en Ealing, Londres, Inglaterra, é un músico de rock, artista visual e deseñador.[1][2] Foi un dos membros de Smile, unha banda que incluía a Brian May como guitarrista e a Roger Taylor na batería. Logo da saída de Staffell, Freddie Mercury e John Deacon uníronse ao grupo para formar a coñecida banda de rock Queen.

Vida e carreira na música[editar | editar a fonte]

Timothy John Staffell estudou na Hampton Grammar School e nesa época era o cantante nunha banda chamada Railroaders. En 1964 asistiu a un concerto onde coñeceu o compañeiro de estudos Brian May. Axiña montaron unha banda de blues-rock chamada "1984", con John Garnham (guitarra), Dave Dilloway (baixo), John Sanger (teclados) e Richard Thompson (percusión). En 1965 Staffell empezou os seus estudos de debuxo e deseño no Ealing Art College, onde colleu amizade con Freddie Mercury, entanto que Brian May marchara para o Imperial College, de Londres. "1984" disolveuse a principios de 1968.

Staffell e Brian May crearon xuntos máis tarde unha nova banda chamada Smile, con Roger Taylor como percusionista.[3] Staffell e Brian May co-escribiron a canción "Doing All Right", que foi incluída por Queen no seu álbum de debut. Staffell uniu a Humpy Bong e logo o grupo de rock progresivo experimental Morgan, con quen publiou os álbums Nova Solis e Brown Out (máis tarde rebautizado como The Sleeper Wakes).[4]

Deseñador[editar | editar a fonte]

Staffell continuou tamén a súa carreira no mundo do deseño de produto e tamén como deseñador, animador e director de anuncios. Entre os proxectos nos que traballou está a adaptación á cadea de televisión BBC de The Hitchhiker's Guide to the Galaxy, e el foi tamén o xefe dos creadores de modelos para a primeira serie do programa infantil de televisión Thomas the Tank Engine & Friends.

Regreso á música[editar | editar a fonte]

En 2001, Staffell regresou á industria de música formando parte con Richard Lightman (con quen levaba moito tempo colaborando) dunha nova banda de blues-funk chamada aMIGO, con inspiracións latinas, de folk e de rock.[5] En 2003 gravaron un álbum co seu mesmo nome, con versións regravadas das cancións de Smile "Earth" e "Doing All Rightr", no que colaborou o seu excompañeiro Brian May nas guitarras e nas voces. O álbum foi autoeditado nunha serie limitada de menos de 300 copias e máis tarde pasou a estar dispoñible en iTunes.

Notas[editar | editar a fonte]

  1. "Queen – Doing All Right lyrics | Musixmatch – The world's largest lyrics catalog" (en inglés). Arquivado dende o orixinal o 27 de xullo de 2014. Consultado o 05 de abril de 2016. 
  2. England & Wales births: Tim Staffel. 2012
  3. "Tim Staffell Biography". Arquivado dende o orixinal o 16 de abril de 2016. Consultado o 05 de abril de 2016. 
  4. "The Love Affair pages". Arquivado dende o orixinal o 07 de outubro de 2011. Consultado o 05 de abril de 2016. 
  5. "Maintenance Mode". 

Véxase tamén[editar | editar a fonte]

Ligazóns externas[editar | editar a fonte]