Tim Harford

Na Galipedia, a Wikipedia en galego.

Tim Harford, nado en 1973 [1], é un escritor e xornalista inglés.

Traxectoria[editar | editar a fonte]

Licenciado en Económicas pola Universidade de Oxford é autor de varios libros de economía. É membro do consello de redacción do Financial Times, onde escribe dúas columnas [2]: na primeira delas, The Undercover Economist, tenta explica-las bases económicas que se agochan tra-las experiencias cotiás e na segunda delas, Dear Economist, tenta resolve-los problemas persoais dos seus lectores a partir das teorías económicas máis recentes.

Foi presentador da serie da BBC Trust me, I'm an Economist e na actualidade presenta o programa de radio da mesma canle, More or Less. A súa primeira obra, The Undercover Economist, foi traducida a máis de trinta linguas e vendeu preto dun millón de copias en todo o mundo [2]. En 2006 recibiu o Premio Bastiat á mellor labor en xornalismo económico.

Obra[editar | editar a fonte]

  • The Market for Aid (2005) con Michael Klein
  • The Undercover Economist (2005)
  • The Logic of Life (2008)
  • Dear Uncover Economist: Priceless Advice on Money, Work, Sex, Kids and Life´s Other Challenges (2009)
  • Adapt: Why Success Always Starts with Failure (2011)

Notas[editar | editar a fonte]