The Hunger Games

Na Galipedia, a Wikipedia en galego.
The Hunger Games
Título orixinal The Hunger Games
Autor/a Suzanne Collins
Cuberta Tim O'Brien
Orixe Estados Unidos de América Estados Unidos
Lingua Inglés
Colección The Hunger Games
Xénero(s) Aventuras
Ciencia ficción[1]
Acción
Editorial Scholastic Press
Data de pub. Flag of the United States.svg 14 de setembro de 2008
Formato Impreso (tapas duras e brandas)
Páxinas 374
ISBN ISBN 0-439-02352-1
Seguido por Catching Fire

The Hunger Games é unha novela de ciencia ficción escrita pola estadounidense Suzanne Collins que foi publicada en 2008. Está escrita en primeira persoa na voz dunha adolescente de 16 anos, Katniss Everdeen, que vive na nación postapocalíptica de Panem, no que outrora foran os Estados Unidos de América. O Capitolio, unha metrópole moi avanzada, exerce o control político sobre o resto do nación. Os coñecidos como "Xogos da Fame" son un evento anual no que un rapaz e unha rapaza de entre 12 e 18 anos de cada un dos doce distritos que rodean o Capitolio son escollidos por lotaría para enfrontarse nunha batalla televisada a morte.

O libro recibiu críticas maioritariamente positivas de críticos e escritores, como os autores Stephen King e Stephenie Meyer. Loouse a súa historia e o desenvolvemento do personaxe principal, malia que algúns críticos atoparon semellanzas entre o libro de Collins e o de Koushun Takami Battle Royale (1999). Para escribir The Hunger Games, Collins empregou elementos da mitoloxía grega, os combates de gladiadores romanos e os realities de televisión. A novela gañou numerosos premios, incluído o California Young Reader Medal, e foi incluído na listaxe "Best Books of the Year" (mellores libros do ano) polo Publishers Weekly' en 2008.

The Hunger Games foi publicado o 14 de setembro de 2008 por Scholastic, cunha cuberta deseñada polo ilustrador Tim O'Brien. Após dunha tirada inicial de 200.000 exemplares, o libro acadou as 800.000 copias vendidas en febreiro de 2010. Dende a súa publicación, The Hunger Games foi traducido a 26 linguas, con dereitos de publicación vendidos en 38 territorios. A novela é a primeira dunha triloxía seguida por Catching Fire (2009) e Mockingjay (2010). A adaptación cinematográfica, dirixida por Gary Ross e coescrita e coproducida pola propia Collins, estreouse no 2012, e xunco cos outros dous libros formará a tetraloxía: The Hunger Games (serie de filmes).

Notas[editar | editar a fonte]

  1. "Mockingjay proves the Hunger Games is must-read literature". io9. 26 August 26. Consultado o 12 February 2013. 

Véxase tamén[editar | editar a fonte]

Outros artigos[editar | editar a fonte]