The Cars

Na Galipedia, a Wikipedia en galego.
Saltar ata a navegación Saltar á procura
The Cars
OrixeBoston, Massachusetts, Flag of the United States.svg
Período19761988
2010 – actualidade
Xénero(s)rock, hard rock, New Wave, pop rock, synthpop
Selo(s) discográfico(s)Elektra, Rhino, Warner, Concord Music Group
MembrosRic Ocasek
Greg Hawkes
Elliot Easton
David Robinson
Antigos membrosBenjamin Orr
Páxina webhttp://thecars.org/

The Cars é unha banda estadounidense de rock aparecida nos comezos da escena da música New Wave a finais dos anos 70. Fundárona o vocalista e guitarrista Ric Ocasek, o vocalista e baixista Benjamin Orr, o guitarrista Elliot Easton, o teclista Greg Hawkes e o batería David Robinson. O grupo é orixinario de Boston, Massachusetts, e asinaron con Elektra Records en 1977.

The Cars estiveron na vangarda da fusión do rock guitarreiro co pop baseado en sintetizadores que xurdiu nos 70 e comezou a facerse popular a comezos dos anos 80. The Cars comezaron con forza co seu álbum de estrea The Cars, que chegou a ser platino a finais de 1978 e foi chamado unha "obra mestra xenuína" por allmusic. A canción máis exitosa e coñecida do álbum probablemente sexa "Just What I Needed", que comezou sendo unha demo en 1977. O tema foi enviado nunha cinta a un DJ local da zona de Boston, que a pinchou con frecuencia na súa emisora. Rapidamente chamou a atención de varios DJs e este feito permitiulle á banda asinar un contrato con Elektra Records ese mesmo ano. Robert Palmer, crñitico musical para The New York Times e Rolling Stone, describiu o seu estilo musical dicindo: "colleron algunhas tendencias importantes pero disparatadas do minimalismo punk contemporáneo, as texturas labirínticas de sintetizador e guitarra do art rock, o revivalismo do rockabilly dos 50 e laconismo melódico do powerpop, remexido todo iso nunha persoal e atractiva mestura.

A banda separouse no ano 1988, e Ocasek nunca quixo falar dunha reunión dende entón. No ano 2005, Easton e Hawkes uníronse a Todd Rundgren para formar The New Cars, que interpretou temas clásicos de The Cars e de Rundgren xunto con material novo. O 21 de outubro do 2010, The Cars confirmou que se reuniran novamente e estaban gravando o seu primeiro álbum en 24 anos. Greg Hawkes ocupou o posto do baixista Benjamin Orr, que morreu no ano 2000.

Discografía[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]