Teófane
Na mitoloxía grega, Teófane era a filla do rei Bisaltes, de Tracia.
A causa da súa extraordinaria beleza, Poseidón namorouse dela e, para librarse dos numerosos pretendentes que a solicitaban, raptouna e levouna a unha illa apartada, Crumisa [1]. Pero estes souberon onde estaba agochada e botaron un barco para ir buscala. Entón, Poseidón converteuse en carneiro e á moza e a tódolos habitantes da illa en ovellas.
Cando chegaron os nobles no barco, vendo que alí non había ninguén, dedicáronse a matar e comer o gando, polo que Poseidón os converteu en lobos, como castigo. Logo copulou con Teófane, en forma de carneiro el e de ovella ela [2], e desta unión naceu un carneiro coa pel de ouro [3]. Este carneiro sería o que salvou a vida de Frixo e Hele, fillos de Atamante, levándoos sobre o seu lombo voando ata a Cólquida (aínda que Hele caeu durante a viaxe e morreu). Chegados á Colquide, Frixo sacrificou ó carneiro a Zeus, e esa pel sería a que se coñecería despois como o vélaro de ouro, obxectivo da expedición dos Argonautas.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Graves, Robert (2019). Los mitos griegos. Gredos. ISBN 9788424999940. (en castelán)
- Grimal, Pierre (1981). Diccionario de mitología griega y romana. Paidós. ISBN 9788449324574. (en castelán)
- Hixino (2009). Fábulas mitológicas. Alianza Editorial. ISBN 9788420650722. (en castelán)
- Ovidio (2015 (reimpr. 2017)). Metamorfosis. Tradución de Antonio Ramírez de Verger. Alianza Editorial. ISBN 9788420697208. (en castelán)