Estanislao Pérez Artime
  | |
| Biografía | |
|---|---|
| Nacemento | 1881 Padrón, España |
| Morte | 12 de marzo de 1945 (63/64 anos) Vilagarcía de Arousa, España |
 Presidente da Deputación da Coruña | |
| | |
| Datos persoais | |
| Outros nomes | Tanis de la Riva |
| País de nacionalidade | España |
| Actividade | |
| Ocupación | empresario , político |
| Lingua | Lingua castelá |
Estanislao Pérez Artime, coñecido como Tanis de la Riva, nado en Padrón en 1881 e finado en Vilagarcía de Arousa o 12 de marzo de 1945[1], foi un industrial e político galego.
Traxectoria[editar | editar a fonte]
Fillo do comerciante José Ramón Pérez de la Riva, procedente de Ortigosa de Cameros (A Rioxa), e da padronesa María Dolores Artime Pérez, irmá de Eloy Artime Pérez. Foi concelleiro en Padrón, deputado provincial dende 1919[2] e representaba no distrito de Padrón a Rafael Gasset Chinchilla e despois ao deputado Antonio Rodríguez Pérez.
En 1929 creou a empresa Lámparas Iria SA, unha fábrica de lámpadas incandescentes, sendo o propio Estanislao xerente e presidente do Consello de Administración. Tamén foi presidente do Consello de Administración do Hotel Compostela.
Foi deputado provincial en 1923 e vicepresidente da Deputación. Foi nomeado presidente da Deputación da Coruña a finais de 1935.
Ao estalar o golpe de Estado do 18 de xullo de 1936 foi empresariado, permanecendo unha temporada no cárcere de Santiago de Compostela. Cando saíu del, deu cartos para reparar o presidio, co fin de mellorar as condicións nas que se atopaban os presos. Logo pasou a unha habitación do Hotel Compostela, baixo vixilancia pagada por el, pero unha denuncia da Falanxe de Padrón fixo que o levaran ao Sanatorio Baltar. Foi expedientado pola Comisión Provincial de Incautacións de Bens en 1937[3].
| Predecesor: Antonio Goyanes Cedrón |
 Presidente da Deputación da Coruña 1935 - 1936 |
Sucesor: José López Bouza |
Vida persoal[editar | editar a fonte]
Casou con Angela Rey Baltar, irmá de Ramón Rey Baltar.
Notas[editar | editar a fonte]
- ↑ Necrolóxica en El Compostelano, 12-3-1945, p. 2.
- ↑ El Ideal Gallego, 16-7-1919, p. 4.
- ↑ Comoxo, Xosé; Santos, Xesús (2006). Concello de Rianxo, ed. Saúde e República (Rianxo 1930-1936) Política e sociedade. p. 357.
Véxase tamén[editar | editar a fonte]
Ligazóns externas[editar | editar a fonte]
- Historia da fábrica de lámpadas de Padrón Arquivado 08 de marzo de 2016 en Wayback Machine.
- Estanislao Pérez Artime na páxina web Nomes e Voces.