Tamal
| Tamal | |
|---|---|
 Tamais nunha tamalera. | |
| Nome | Tamal |
| Lugar de orixe | Mesoamérica |
| Ingredientes | Fariña de millo, folla de banano, carne, vexetais, pementos |
O tamal (do náhuatl tamalli) é un prato típico de México de orixe indíxena que se remonta a antes da conquista española. Posteriormente estendeuse ó Perú, Colombia e América central. Consiste nunha pasta de millo cocida con carne, vexetais, pementos, froitas, mollos e outros ingredientes. Elabórase envolto en follas de millo ou de bananeiro, e cócese en auga ou ó vapor. Poden ter sabor doce ou salgado.
Orixe[editar | editar a fonte]
Existe probas de que as culturas predominantes en México que levaron o millo a outras culturas e rexións tamén levaron consigo pratos e formas de cociñalo millo. Como o tamal é un método sinxelo de cocción do millo, é posible que fose levado dende México a América Central e do Sur. Porén, segundo os arqueólogos Karl Taube, William Saturno e David Stuart, os tamais datan do ano -100. Eles atoparon referencias pictóricas no Mural de San Bartolo, en Petén, Guatemala. Aínda que os tamais puideron terse trasladado dun país a outro, non hai evidencia de cara onde foi a migración do mesmo.
Os tamais son descritos en México por frai Bernardino de Sahagún na súa Historia general de las cosas de Nueva España a comezos do século XVI.
Comían también tamales de muchas maneras; unos de ellos son blancos y a manera de pella, hechos no del todo redondos ni bien cuadrados... Otros tamales comían que son colorados...Fray Bernardino de Sahagún
Sahagún e outros autores fan referencia ó tamal non só como comida da xente común, senón dos nobres, dos sacerdotes en cerimonias especiais de xaxún.[1]
A evidencia arqueolóxica amosa o tamal como parte da vida cotiá dalgunhas culturas de México na época prehispánica, ademais de usarse en rituais relixiosos, en ofrendas e tumbas. No caso dos maias, hai esculturas e pinturas dos períodos maias clásico e posclásico temperán.[2][3] [4]
Notas[editar | editar a fonte]
- ↑ Park Redfield, Margaret (1929). "Notes on the Cookery of Tepoztlan, Morelos". The Journal of American Folk-lore (en inglés) 42.
- ↑ Taube, Karl A. (1989). "The Maize Tamale in Classic Maya Diet, Epigraphy, and Art". American Antiquity 54 (1).
- ↑ Foster, Lynn V.; Peter Mathews (2005). Handbook to life in the ancient Maya world (en inglés). Oxford University Press US. pp. 336. ISBN 9780195183634.
- ↑ Coe, Sophie Dobzhansky (1994). America's First Cuisines (en inglés). University of Texas Press. pp. 149. ISBN 9780292711594.
