Spring Breakers

Na Galipedia, a Wikipedia en galego.
Saltar ata a navegación Saltar á procura

Spring Breakers
Ficha técnica
Título orixinalSpring Breakers
DirectorHarmony Korine
ProdutorCharles-Marie Anthonioz
Jordan Gertner
Chris Hanley
David Zander
GuiónHarmony Korine
IntérpretesJames Franco
Selena Gomez
Vanessa Hudgens
Ashley Benson
Rachel Korine
Heather Morris
MúsicaSkrillex
Gucci Mane
Cliff Martínez
EstudioMuse Entertainment
Division Films
Annapurna Pictures
DistribuidoraA24
Estrea4 de setembro de 2012 (Venecia)
Duración92 minutos
OrixeEstados Unidos de América Estados Unidos
OrzamentoUS$5.000.000
RecadaciónUS$31.724.284

Spring Breakers é unha película estadounidense de 2013 dirixida e escrita por Harmony Korine, protagonizada por James Franco, Selena Gomez, Vanessa Hudgens, Ashley Benson, Rachel Korine, e Gucci Mane. A película conta a historia de catro mozas universitarias que deciden roubar un restaurante de comida rápida co fin de pagar as súas vacacións de primavera.[1]

A película foi seleccionada para competir polo León de Ouro no Festival Internacional de Cine de Venecia de 2012.[2]

Sinopse[editar | editar a fonte]

Catro estudantes de universidade chamadas Faith (Selena Gomez), Brit (Ashley Benson), Candy (Vanessa Hudgens) e Cotty (Rachel Korine) queren xuntar cartos para a súa viaxe de vacacións de primavera asaltando un posto de comida rápida. Logo, durante unha noite de festa, as rapazas son arrestadas con cargos por drogas. Con resaca e vestidas só cos seus bikinis, comparecen ante un xuíz, pero son liberadas grazas a Alien (James Franco), un matón local traficante de armas e drogas que as toma baixo a súa proteción e as leva ás vacacións máis salvaxes da súa vida.

Elenco de actores[editar | editar a fonte]

Unha parte do elenco principal na estrea do filme en París en febreiro de 2013 (de esquerda a dereita: Rachel Korine, Ashley Benson, Selena Gomez e Vanessa Hudgens).

Produción[editar | editar a fonte]

Segundo Harmony Korine, escribiu a película para «compensar» as súas propias vacacións de primavera, xa que se dedicou por completo ao skate, perdeuse no que el veu como unha oportunidade para «actividades hedonistas».[3] A formación orixinal para as protagonistas era Selena Gomez, Vanessa Hudgens e Emma Roberts.[4] Rachel Korine foi a primeira en confirmarse no proxecto.[1] Emma Roberts retirouse da filmación a mediados de 2012 debido a «diferenzas creativas que non podían ser resoltas».[5][6] O director Korine reuniu a propósito un grupo de actrices novas coñecidas cunha reputación similar á de Roberts en Hollywood.[7] A película filmouse entre marzo e abril de 2012 en e nos arredores de St. Petersburg, Florida.[3] Unha vista previa de tres minutos da película estreouse no Festival de Cine de Cannes 2012.[8] Confirmouse que Skrillex produciría a banda sonora da película.[9]

Recepción[editar | editar a fonte]

A película recibiu críticas xeralmente positivas. A páxina de críticas Rotten Tomatoes dá unha puntuación "fresca" de 75% baseada nos comentarios de 75 críticos, cunha cualificación media de 6,4 sobre 10. O consenso do sitio reza así: "Spring Breakers mestura un punzante comentario social con bikini cheesecake e un desempeño virtuoso de James Franco".[10] En Metacritic, a película ten unha puntuación de 64 sobre 100, baseado nos comentarios de 18 críticos, o que indica "críticas xeralmente favorables".[11]

Premios e nomeamentos[editar | editar a fonte]

Ano Premio Categoría Nomeado/a Resultado
2012 Festival Internacional de Cine de Venecia[12] León de Ouro Harmony Korine Nomeado
Premio dixital do festival de películas futuras - Mención especial Gañador
2014 MTV Movie Awards Mellor Bico Ashley Benson, James Franco e Vanessa Hudgens Nomeado

[5][6]

Notas[editar | editar a fonte]

  1. 1,0 1,1 "Rachel Korine (Yes, Harmony's Wife) Joins 'Spring Breakers'". The Playlist. Indiewire. 4 de noviembre de 2011. Arquivado dende o orixinal o 02 de xullo de 2016. Consultado o 4 de abril de 2012. 
  2. "Venezia 69". labiennale. Arquivado dende o orixinal o 28 de xullo de 2012. Consultado o 26 de xullo de 2012. 
  3. 3,0 3,1 "Girls Gone Wild". Interview Magazine (en inglés). Consultado o 8 de setembro de 2012. 
  4. "Emma Roberts, Selena Gomez & Vanessa Hudgens Star In Spring Break Flick". Hollywire (en inglés). Consultado o 8 de setembro de 2012. 
  5. 5,0 5,1 "Spring Breakers: Ashley Benson se une a sus grandes amigas, Selena Gomez y Vanessa Hudgens". Impre. Consultado o 21 de febreiro de 2012. 
  6. 6,0 6,1 "Ashley Benson Replaces Emma Roberts in Spring Breakers With Selena Gomez". BscKids (en inglés). Consultado o 21 de febreiro de 2012. 
  7. "Emma Roberts Pulls Out of Harmony Korine's Spring Breakers". Movieweb (en inglés). Consultado o 8 de setembro de 2012. 
  8. "Selena Gomez and Vanessa Hudgens make an arresting sight as they're busted in bikinis Spring Breakers". Daylimail (en inglés). Consultado o 8 de setembro de 2012. 
  9. "Skrillex Will Score The Movie “Spring Breakers”". Disney Dreaming (en inglés). Arquivado dende o orixinal o 15 de setembro de 2012. Consultado o 8 de setembro de 2012. 
  10. "Spring Breakers Movie Reviews, Pictures – Rotten Tomatoes". Rotten Tomatoes. Flixster. Consultado o 10 de novembro de 2012. 
  11. "Spring Breakers Reviews – Metacritic". Metacritic. CBS Interactive. Consultado o 2 de marzo de 2013. 
  12. "Awards for 2012 Golden Lion". IMDb (en inglés). Consultado o 5 de setembro de 2012.