Shingeki no Kyojin

Na Galipedia, a Wikipedia en galego.
Shingeki no Kyojin
進撃の巨人
(Shingeki no Kyojin)
Manga Shingeki no Kyojin
Creado por Hajime Isayama
Editor Kodansha
Publicado en Bessatsu Shōnen Magazine
Primeira edición 9 de setembro de 2009
Última edición
Núm. de volumes 12
Manga Attack on Titan: Before the Fall
Creado por Ryō Suzukaze
Editor Kodansha
Publicado en
Primeira edición 2 de decembro de 2011
Última edición
Núm. de volumes 3
Manga Attack on Titan: Junior High
Creado por Hajime Isayama, Saki Nakagawa
Editor Kodansha
Publicado en Bessatsu Shōnen Magazine
Primeira edición 9 de abril de 2012
Última edición
Núm. de volumes 3
Anime Shingeki no Kyojin
Dirixido por Tetsurō Araki
Estudio Wit Studio
Production I.G
Canle televisiva MBS, Tokyo MX, FBS, TOS, HTB, TVA, BS11
Primeira emisión 6 de abril de 2013
Última emisión 28 de setembro de 2013
Núm. de capítulos 25 + 2 OVAs
Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Shingeki no Kyojin (進撃の巨人 lit. "Os xigantes avanzan/atacan"?) é un manga xaponés escrito e ilustrado por Hajime Isayama. O manga comezou a súa serialización na revista Bessatsu Shōnen Magazine de Kodansha o 9 de setembro de 2009, e foi recollido en 12 volumes o 9 de decembro de 2013. A historia está ambientada nun mundo no que a humanidade vive en cidades protexidas por enormes muros que os protexen dos titáns, criaturas humanoides de dimensións xigantescas que devoran ós humanos sen unha razón aparente. A historia céntrase en Eren Yeager, a súa irmá adoptiva Mikasa Ackerman e o seu amigo Armin Arlert, cuxas vidas mudan radicalmente coa aparición dun titán colosal que provoca a destrución do seu fogar e a morte da nai de Eren. Xurando vingarse e desexando recuperar o seu mundo, Eren, Mikasa e Armin únense a un grupo de soldados de elite que loitan contra ós titáns fóra dos muros.

Xerou unha novela spinn-off que comezou en decembro de 2011, e que recibiu unha adaptación ó manga. Outros dous spin-offs están sendo serializados, e posúe a súa propia adaptación ó anime, producida por Wit Studio e Production I.G. O anime foi estreado en Xapón en MBS entre abril e setembro de 2013. Tamén ten catro adaptacións de videoxogos desenvolvidos por Nitroplus. Está previsto que a adaptación ó cine vexa a luz no 2015.[1]

Shingeki no Kyojin converteuse nun éxito comercial, con 40 millóns de volumes impresos vendidos en xullo de 2014.[2] A estrea do anime incrementou con moito a popularidade do manga, recibindo boas críticas pola súa atmosfera e historia.

Notas[editar | editar a fonte]

  1. «SFX Director Shinji Higuchi to Helm Live-Action Attack on Titan Film». Anime News Network. 3 de decembro de 2013. Consultado o 4 de decembro de 2013. 
  2. «Live-Action Attack on Titan Confirmed for 2 Films». Anime News Network. 29 de xullo de 2014. Consultado o 29 de xullo de 2014. 

Véxase tamén[editar | editar a fonte]

Ligazóns externas[editar | editar a fonte]