Shikitei Sanba

Shikitei Sanba
	;
Nome orixinal	(ja) 式亭三馬
Biografía
Nacemento	1776 ; Edo
Morte	1822 (45/46 anos); Edo
Datos persoais
País de nacionalidade	Xapón
Actividade
Ocupación	escritor , artista de ukiyo-e , poeta , novelista , Jihon Sakka
Período de actividade	1794 -
Lingua	Lingua xaponesa
Obra
	Obras destacables (1809) Ukiyoburo ;

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Shikitei Sanba (xaponés: 式亭三馬), pseudónimo de Kikuchi Hisanori (xaponés: 菊池久徳), nado en 1776 e finado o 27 de febreiro de 1822, foi un escritor e cómico xaponés do período Edo.^[1]

Traxectoria[editar | editar a fonte]

Shikitei Sanba naceu en Asakusa, Edo (actual Toquio), en 1776. Procedía dunha longa liñaxe de sacerdotes xintoístas do templo Hachijō-jima. O seu pai, Kikuchi Mohe, foi un famoso escultor en madeira. Aos nove anos, o escritor comezou a traballar nunha libraría, na que continuaría até os dezasete. Publicou os seus primeiros traballos en 1794, os libros ilustrados (kibyōshi 黄表紙) Tendō ukiyo suiseisō (xaponés: 天道浮世出星操) e Ningen isshin shitaisō (xaponés: 人間一心覗替繰).

Co cambio de século, publicaría diferentes obras ilustradas por Utagawa Toyokuni (1769-1825).^[2]

Obra[editar | editar a fonte]

Shikitei Sanba cultivou especialmente o xénero humorístico kokkeibon (xaponés: 滑稽本, lit. "libro cómico") e o kibyōshi. Entre as súas obras, destacan Ukiyoburo (xaponés: 浮世風呂, lit. "O baño do mundo flotante", 1809-1819) e Ukiyodoko (xaponés: 浮世床, lit. "A cama do mundo flotante", 1813).^[3]