Sergi García

Sergi García

Biografía
Nacemento	17 de febreiro de 1997 (27 anos) Palma, España
Altura	189 cm
Peso	82 kg
Actividade
Ocupación	baloncestista
Período de actividade	2013 -
Deporte	baloncesto
Posición de xogo	Base
Traxectoria   Equipo 2013–2016 → cesión:  CB El Olivar 2013–2017 Basket Zaragoza 2002 2017–2019 Valencia BC 2019–2019 → cesión:  Bàsquet Manresa 2019–2019 → cesión:  SC Rasta Vechta 2019–2020 Saski Baskonia 2020–2021 Bàsquet Club Andorra 2021–2022 CB Gran Canaria 2022– Club Baloncesto Breogán
Familia
Irmáns	Marc García Calvo

Sergi García Calvo, nado o 17 de febreiro de 1997 en Palma, é un xogador español de baloncesto internacional profesional. Formado nas categorías inferiores do Sant Josep Obrer, do CTE Illes Balears e do Basket Zaragoza, actualmente xoga para o Coviran Granada da Liga ACB. Cunha altura de 1,93 m, xoga na posición de base.

Traxectoria

Nado en Palma, García formouse nas categorías inferiores do Club Sant Josep Obrer de Palma e, posteriormente, no Centre de Tecnificació Esportiva Illes Balears. No ano 2013 asinaría co Basket Zaragoza, onde compaxinou o primeiro equipo co filial. O seu debut no baloncesto profesional produciuse o 3 de novembro de 2013 no Pavillón Príncipe Felipe de Zaragoza durante o partido correspondente á cuarta xornada da temporada 2013−14 da Liga ACB contra o La Bruixa d'Or Manresa, pasando a ser con nese momento, con 16 anos, 8 meses e 14 días, o xogador máis novo en debutar co equipo aragonés.

A súa seguinte campaña no conxunto zaragozano sería moi semellante á anterior. Alén da ACB, García debuta ese ano na Copa do Rei e na Eurocup. Nas seguintes temporadas foi mellorando o seu rendemento aos poucos. En 2017 antes de decembro fixo unha media de 9,6 puntos, 3,2 rebotes e 2,8 asistencias en 20 minutos na ACB, números que lle serviron para estar entre os tres primeiros xogadores españois en valoración da competición. Este rendemento chama a atención do Valencia Basket Club, equipo co que asina en decembro. Após dúas temporadas en Valencia, é cedido ao BAXI Manresa para xogar as últimas xornadas da ACB. En xullo é cedido ao SC Rasta Vechta alemán. Ás ordes de Pedro Cales disputou 9 partidos de liga con 8,3 puntos e 3,4 asistencias por partido en 19 minutos, con 11,5 puntos e 5,5 asistencias nos dous partidos que disputou da Basketball Champions League co cadro alemán. Así, foi chamado polo Kirolbet Baskonia para substituír as súas baixas na posición de base. En xullo de 2020, asina polo MoraBanc Andorra após desvincularse do Kirolbet Baskonia. En decembro de 2021 asina pola polo Gran Canaria. O 10 de xuño de 2022 asina polo Río Breogán.

Clubs

Ao longo da súa carreira, García ten xogado para os seguintes equipos profesionais:

• Basket Zaragoza (ACB / Eurocup, 2013–2017)
• CB El Olivar (EBA / LEB Prata, 2013–2016)
• Valencia Basket Club (ACB / Euroliga, 2017–2019)
• BAXI Manresa (ACB, 2019)
• SC Rasta Vechta (BBL / BCL, 2019)
• Kirolbet Baskonia (ACB / Euroliga, 2019–2020)
• MoraBanc Andorra (ACB / Eurocup, 2020–2022)
• Gran Canaria (ACB / Eurocup, 2022)
• CB Breogán (ACB / BCL, 2022−2024)
• Fundación CB Granada (ACB, 2024−presente)

Véxase tamén

Ligazóns externas

• Perfil en acb.com (en castelán)
• Perfil en Proballers (en inglés)