Santiago Gómez Tato

Santiago Gómez Tato
	;
Biografía
Nacemento	1885 (138/139 anos); Cerdedo, España
Actividade
Ocupación	escritor, xornalista

Santiago Gómez Tato, nado en Cerdedo cara a 1885, foi un escritor e xornalista galego.^[1]

Traxectoria

Fillo do notario Jesús Gómez Veiga que estivo destinado no Concello de Cerdedo. Emigrou a Buenos Aires a principios dos anos vinte do século XX. Colaborou na revista Relieves de Coronel Dorrego, en Nueva Era, Eco del Tandil e Derecho de Tandil, e en Céltiga, El Heraldo Gallego, Correo de Galicia e Vida Gallega. Visitou en varias ocasións a súa comarca natal e deixou as súas impresións sobre as súas feiras no periódico Umia y Lérez. Instalouse en Rosario nos anos vinte. Tamén colaborou en Mundo Gráfico. En 1931 dirixiu o periódico La Voz del Pueblo de Martínez (Buenos Aires).^[2]

Obras

De la tierra meiga: (cuadros, tipos y costumbres gallegas), 1924.
Céltiga: Pinceladas gallegas, 1924.

En abril de 1925 anunciaban a saída de dúas novelas: En la soledad de mi aldea e Los eternos caciques.

Obra reunida (2021). Morgante. 270 páxs. ISBN 978-84-19040-00.

Vida persoal

Casou en Buenos Aires con Herminia Sánchez Míguez en xullo de 1925.^[3]

Notas

↑ Vida Gallega, 1-4-1925, p. 29.
↑ "La página de Martínez. Historia". Arquivado dende o orixinal o 02 de decembro de 2016. Consultado o 01 de decembro de 2016.
↑ El Heraldo Gallego, 19-7-1925, p. 1.

Véxase tamén

Bibliografía

"Gómez Tato, Santiago" en Gran Enciclopedia Gallega Silverio Cañada.

[1] Vida Gallega, 1-4-1925, p. 29.

[2] "La página de Martínez. Historia". Arquivado dende o orixinal o 02 de decembro de 2016. Consultado o 01 de decembro de 2016.

[3] El Heraldo Gallego, 19-7-1925, p. 1.

[1]

[2]

[3]