Sant Julià de Lòria

Na Galipedia, a Wikipedia en galego.
Saltar ata a navegación Saltar á procura
Estatua do síndico Francesc Cairat
Localización

Sant Julià de Lòria é a máis meridional das sete parroquias do Principado de Andorra. Desprégase nunha altitude comprendida entre os 850 e 2.600 metros.

Está formada pola vila de Sant Julià de Lòria e seis quarts ou subdivisións parroquiais: Bixessarri, Fontaneda, Auvinyà, Juberri, Nagol, e Certers, ademais doutros grupos de poboación como Aixovall, Aixirivall e Llumeneres,contando cunha poboación total de case 9.000 habitantes.

A vila de Sant Julià de Lòria é unha poboación en plena expansión, cuxo núcleo urbano se desenvolve ao redor da beira do río Valira.

Os seus atractivos artísticos máis importantes componse da Casa Comunal (sede do goberno municipal), a igrexa románica dedicada a San Julián de Lòria e a San Xermán e o casco antigo da poboación.