STS-100

Na Galipedia, a Wikipedia en galego.
STS-100
Lanzamento da misión STS-100
TipoTripulado
OrganizaciónNASA
Data de lanzamento19 de abril de 2001, 18:40 GMT[1][2][3][4]
Foguete portadorTransbordador espacial[3][5]
Sitio de lanzamentoCentro de Lanzamento de Cabo Cañaveral, rampla 39A[3][6]
Duración da misión11,9 días[6]
Obxectivo da misiónMontaxe da Estación Espacial Internacional.[3][6]
Regreso1 de maio de 2001[6]
Sitio de regresoBase Edwards da Forza Aérea, California[6]
NSSDC ID2001-016A

STS-100 foi unha misión do transbordador espacial Endeavour lanzada o 19 de abril de 2001 desde a rampla 39A do Centro de Lanzamento de Cabo Cañaveral.[2][3][5][6]

Características[editar | editar a fonte]

STS-100, cos astronautas Kent Rominger (comandante), Jeffrey Ashby (piloto), Chris Hadfield (especialista de misión), Scott E. Parazynski (especialista de misión), John L. Phillips (especialista de misión), Umberto Guidoni (especialista de misión) e Iuri Lonchakov (especialista de misión) a bordo, foi unha misión para continuar construíndo a Estación Espacial Internacional. Instalou o brazo robótico Canadarm 2, de 18 metros de longo e 1700 kg de peso e levou a bordo da estación 4500 kg de subministracións no contedor italiano Raffaello, tres traxes espaciais para actividades extravehiculares e unha antena UHF, entre outras cousas.[3][5][6][7]

O Endeavour acoplouse á estación ás 13:49 GMT do 21 de abril no porto PMA-2. Ás 16:00 o módulo Raffaello foi acoplado ao módulo Unity para a súa descarga. O módulo foi devolto ao transbordador o 27 e abril. Durante a súa misión tiveron lugar dúas actividades extravehiculares: na primeira, Parazynski e Hadfield instalaron a antena de UHF no módulo Destiny e despregaron e conecataron o brazo robótico canadense; na segunda, Hadfield e Parazynski fixeron conexións adicionais co brazo robótico, recolleron unha antena en desuso e deixaron nun almacenamento externo un conmutador eléctrico de reposto.[3][5][6][7]

O Endeavour desacoplouse o día 29, tras un atraso por problemas coas computadoras da estación. A nave aterrou na Base Edwards da Forza Aérea, California, o 1 de maio, ao non poder aterrar en Florida debido ao mal tempo.[3][5][6][7]

Notas[editar | editar a fonte]

  1. ↑ N2YO (2011). Real Time Satellite Tracking, ed. "STS 100" (en inglés). Consultado o 23 de decembro de 2017. 
  2. ↑ 2,0 2,1 "Note verbale dated 23 October 2001 from the Permanent Mission of the United States of America to the United Nations (Vienna) addressed to the Secretary-General" (PDF) (01-88239(E)). 31 de outubro de 2001: 2. Consultado o 23 de decembro de 2017. 
  3. ↑ 3,0 3,1 3,2 3,3 3,4 3,5 3,6 3,7 NASA (21 de marzo de 2017). "STS 100" (en inglés). Consultado o 23 de decembro de 2017. 
  4. ↑ Claude Lafleur (2010). "STS-100 / ISS-6A" (en inglés). Consultado o 23 de decembro de 2017. 
  5. ↑ 5,0 5,1 5,2 5,3 5,4 Gunter Dirk Krebs (2016). Gunter's Space Page, ed. "Shuttle" (en inglés). Consultado o 23 de decembro de 2017. 
  6. ↑ 6,0 6,1 6,2 6,3 6,4 6,5 6,6 6,7 6,8 Mark Wade (2011). "STS-100" (en inglés). Consultado o 23 de decembro de 2017. 
  7. ↑ 7,0 7,1 7,2 NASA (15 de febreiro de 2010). "STS-100" (en inglés). Arquivado dende o orixinal o 30 de outubro de 2018. Consultado o 24 de outubro de 2021. 

Véxase tamén[editar | editar a fonte]

Outros artigos[editar | editar a fonte]

Traído desde «https://gl.wikipedia.org/w/index.php?title=STS-100&oldid=6517571»