Rodolfo II de Borgoña
  | |
| Biografía | |
|---|---|
| Nacemento | 880 ↔ 885 |
| Morte | 12 de xullo de 937 ↔ 13 de xullo de 937 (47/57 anos) |
| Lugar de sepultura | Abadia de São Maurício (pt)  |
| Q123576158 | |
| 911 – 937 ← Rodolfo I da Borgonha (pt) – Conrado III de Borgoña → | |
| Rei de Italia | |
| | |
| Actividade | |
| Ocupación | político , monarca |
| Outro | |
| Título | King of Burgundy (en) (928–937) King of Lower Burgundy (en) (928–)Rei de Italia (922–926) King of Upper Burgundy (en) (912–) |
| Familia | Rodolphiens e Antiga Casa de Guelfo (pt) |
| Cónxuxe | Berta da Suábia (pt) |
| Fillos | Adelaide da Itália (pt) , Burchard I of Lyon (en) , Conrado III de Borgoña, Heinrich I. von Lausanne (en) |
| Pais | Rodolfo I da Borgonha (pt) e Guilla da Provença (pt) |
| Irmáns | Willa of Burgundy (en) e Waldrada of Burgundy (en) |
 | |
Rodolfo II de Borgoña,[1] nado en 880 e finado en 937, foi rei de Borgoña Transxurana (912 -937), rei da Borgoña Cisxurana con Provenza (934 -937) e rei de Italia (922 - 926).
Traxectoria[editar | editar a fonte]
Era fillo de Rodolfo I de Borgoña e membro da Antiga Casa de Welf. Casou con Berta de Suabia chamada A Fiadeira e tiveron dous fillos:
- Conrado III "o Pacífico" .
- Adelaida de Borgoña, casada con Lotario de Arles, rei de Italia (944-950), e despois da súa morte co emperador Otón I.
- Sucedeu a seu pai, Rodolfo I (falecido o 25 de outubro de 911 ) como rei de Borgoña Transxurana sendo coroado en 912. En 922, fixo un pacto con Henrique I de Alemaña que lle deu territorios en Suabia a cambio da Santa Lanza que despois sería unha das insignias imperiais[2]. O mesmo ano foi chamado por algúns nobres italianos para intervir en Italia contra Berengario de Friúl (Berengario I de Italia). Foi a Italia e foi coroado en Pavia. En 923 derrotou a Berengario en Piacenza e ao ano seguinte Berengario foi asasinado (924), morte que se sospeitaba de fora encargada por Rodolfo. Desde entón o rei residía alternativamente en Italia e na Borgoña Transxurana.
En 925, a nobreza italiana volveuse contra el e chamou a Hugo de Arles, conde de Arles e rexente da Borgoña Cisxurana con Provenza (onde era rei Lois III o Cego). En 926 este presentouse en Italia, desembarcando en Pisa e marchando a Pavia, onde foi coroado. Hugo fixo un acordo con Rodolfo e este retirouse a Borgoña, deixándolle o camiño libre. En 933, os nobres italianos pediron de novo a Rodolfo que fose a Italia para ser coroado. Hugo de Arles, que no 928 á morte de Lois, ignorara os dereitos do seu fillo, Carlos Constantino, ao que só deixara o condado de Viena, que seguramente pasou ao reino de Francia (arredor do 930), e chegara ao trono., renunciou ao resto de Borgoña Cisxurana (Lion) e Provenza en favor de Rodolfo II a cambio da renuncia deste ao reino de Italia. En 934 Rodolfo reunira os dous reinos, e o novo estado que xurdiu foi chamado reino das Dúas Borgoñas e despois do 937 (xa baixo o seu fillo e sucesor) como reino de Arles (pola capital).
Morreu en 937 e sucedeuno o seu fillo Conrado, Conrado III de Borgoña o Pacífico.
Notas[editar | editar a fonte]
- ↑ "BURGUNDY KINGS". fmg.ac. Consultado o 2023-09-05.
- ↑ Francis Rapp, Le Saint Empire romain germanique, colección «Points Histoire», Lonrai, 2003, pàg. 47.
