Ricardo Alzugaray Yanguas
| Ricardo Alzugaray Yanguas | |
|---|---|
 | |
| Falecemento | 30 de outubro de 1878 |
| Nacionalidade | España |
| Ocupación | político |
| [ editar datos en Wikidata ] | |
Ricardo Alzugaray Yanguas, finado o 30 de outubro de 1878, foi un xurista e político español.
Traxectoria[editar | editar a fonte]
Doutorouse en dereito na Universidade Central de Madrid en 1858, onde leu a disertación El estado en sus relaciones sociales é individuales. Participou en conferencias a favor do librecambismo no Ateneo de Madrid, onde trabou amizade con Pedro Antonio de Alarcón, e foi elixido deputado por Navarra en 1864.
Foi xurista do Tribunal Supremo de España e nas eleccións a Cortes de 1869 foi elixido deputado polo distrito de Estella e nas de abril de 1872 e 1876, polo de Lalín como independente, aínda que vencellado ao elduayenismo[1].
Nas eleccións de 1876 tamén foi elixido deputado polo distrito de Alcoi despois da renuncia de Juan Francisco Camacho de Alcorta, pero morreu dous anos despois. A súa filla, María Alzugaray Lapeye, casou co político Rafael Gasset Chinchilla[2], pai de Ricardo Gasset Alzugaray.
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- La politización de la justicia: la designación de los magistrados del Tribunal Supremo (1836-1881 por Braulio Díaz Sampedro (p. 149)
- Conferencias no Ateneo de Madrid[Ligazón morta]
