Renault 5

Na Galipedia, a Wikipedia en galego.
Saltar ata a navegación Saltar á procura
Renault 5
Renault 5 first generation light blue.jpg
NomeRenault 5
Construtor Renault
Empresa matriz Renault
Produción 1972-1996
Montaxe Billancourt, Francia
Valladolid, España
Mariara, Venezuela
Teherán, Irán
Ciudad Sahagún, México
Novo Mesto, Eslovenia
Antecesor Renault 4
Sucesor Renault Supercinco
Tipo Automóbil de turismo
Segmento Segmento B
Carrozaría Hatchback tres e cinco portas
Configuración Motor dianteiro lonxitudinal central / tracción dianteira
Dimensións 3.500 mm, 1.500 mm, 1.400 mm
Peso A partir de 730 kg

O Renault 5 é un automóbil compacto da marca francesa Renault que se comercializou dende 1972 ata 1996. Fabricado en España na factoría que Renault ten na provincia de Valladolid, o modelo tivo un grande éxito no mercado español así como en moitos outros países.

Primeira xeración: 1972 - 1985[editar | editar a fonte]

Renault 5 I.

Foi a primeira incursión de Renault no mercado dos utilitarios pequenos, cun vehículo de tres portas sinxelo e de liña elegante.

Montaba motores de entre 850 e 1400 cc, cunha mecánica simple compartida con outros modelos da marca. A suspensión era por barras de torsión.

No 1977 lanzouse a versión GTL, máis equipada e en 1979 a carrozaría de 5 portas. No 1981 sufriu unha reestilización interior mellorando a contorna notablemente.

Tamén existiron varias versións deportivas denominadas Alpine (1981), externamente moi similares ós modelos inferiores e con 93 CV; Copa, homólogos dos Alpine para o mercado español; e as versións Turbo 1 (1980) e Turbo 2 (1982), modelos especiais orientados á competición de produción moi limitada, co motor en posición central, e a carrozaría notablemente ensanchada e alixeirada.

Segunda xeración: 1985 - 1996[editar | editar a fonte]

Renault 5 Supercinco

O modelo da segunda xeración, denominado comercialmente como Supercinco, apareceu en 1985 cunha carrozaría totalmente nova, aínda que conservando as liñas mestras do Renault 5 orixinal, novas motorizacións e suspensións MacPherson.

Posteriormente apareceu a versión deportiva GT Turbo con 115 CV na súa fase inicial e 120 CV posteriormente.

Foi comercializado ata 1996 e substituído polo Renault Clio.

Véxase tamén[editar | editar a fonte]

Ligazóns externas[editar | editar a fonte]