Rebatemento do rectángulo
Rebatemento do rectángulo, tamén rabatamento ou rebatamento, é unha técnica ou ferramenta compositiva utilizada para situar obxectos na imaxe, ou como axuda para o estudo da arte. Tamén chamado polos seus nomes en inglés, rebatement, rabatment e rabattement; hai moita literatura nesa lingua sobre esta técnica, pero moi escasa noutras.
Cada rectángulo contén dous cadrados implícitos en cada un dos lados curtos. O proceso de rotar os lados curtos sobre o longo é chamado "doble abatemento", ou "rabatemento", e a cuarta liña imaxinaria é chamada "o rebatemento". O termo é utilizado en xeometría, arte e arquitectura.[1]
Teoría[editar | editar a fonte]
Non hai ningunha explicación absoluta do mecanismo deste método, pero hai varias teorías.[2] Un argumento é que os cadrados son unha forma xeométrica tan sinxela e primordial que o cerebro a busca automaticamente, completando mentalmente o rebatemento, tanto se está explícito ou non. Cando unha composición usa elementos da escena para que coincidan co cadrado, produce un sentimento de harmonía.
Práctica[editar | editar a fonte]
Artistas do Renacemento utilizaron o rebatemento como base para obras de arte e arquitectura,[3][4] e pode ser observado na arte de case calquera período.[5]
Como unha das moitas técnicas de composición, pode usarse para o posicionamento dos elementos dentro do rectángulo. Non hai ningunha regra definitiva ao respecto; unha composición pode ter unha sensación de axitación dinámica ou un sentido de equilibrio en relación a liñas importantes como as do rebatemento ou da regra dos terzos, ou a dos puntos fortes derivados dela.[6][7]
O rebatemento pode ser aplicado a rectángulos de calquera proporción.[8] Para os de 3:2 de proporción (como na foto fixa de 35mm), o rebatemento coincide coas liñas da regra dos terzos.[9]
Nas culturas occidentais que len de esquerda a dereita, a atención a miúdo céntrase dentro do rebatemento esquerdo ou na liña que forma no lado dereito da imaxe.[10]
Cando se emprega o rebatemento cun lado dun rectángulo dourado e despois se aplica iterativamente ao rectángulo que queda, os "rectángulos xiratorios" resultantes describen a espiral dourada.[11]
Exemplos[editar | editar a fonte]
 |
Esta imaxe de arte por computador ten o pescador colocado nun dos rebatementos. |
 |
Esta pintura de Claude Monet dun campo de papoulas inclúe unha árbore alta no rebatemento do cadrado esquerdo. |
 |
Rembrandt neste autoretrato coloca a parte iluminada do seu estudio dentro do rebatemento, e a el mesmo no límite do outro. |
 |
A pintura de Gustave Caillebotte mostra o barco fóra do cadrado á dereita e o home no bordo máis dereito do cadrado esquerdo, inclinándose. |
Notas[editar | editar a fonte]
- ↑ Paynter, J.E. (1921). Practical geometry for builders and architects. Londres: Chapman & Hall.
- ↑ Mize, Dianne (27 de xaneiro de 2009). "How to Use Rabatment in Your Compositions". Empty Easel (en inglés). Consultado o 26 de febreiro de 2011.
- ↑ Sriraman, Bharath; Freiman, Viktor; Lirette-Pitre, Nicole (2009). Interdisciplinarity, creativity, and learning: mathematics with literature, paradoxes, history, technology, and modeling (en inglés). IAP. p. 122. ISBN 1-60752-101-6.
- ↑ Fett, Birch (2006). "An In-depth Investigation of the Divine Ratio" (PDF). The Montana Mathematics Enthusiast (en inglés) (The Montana Council of Teachers of Mathematics) 3 (2): 157–175. ISSN 1551-3440. Arquivado dende o orixinal (PDF) o 22 de marzo de 2015. Consultado o 07 de maio de 2021.
- ↑ Bouleau, Charles (1963). The painter's secret geometry: a study of composition in art. New York: Harcourt, Brace. pp. 43–46.
- ↑ Feltus, Alan. "Painting and Composition". Umbria: International School of Painting, Drawing, and Sculpture. Arquivado dende o orixinal o 09 de outubro de 2011. Consultado o 26 de febreiro de 2011.
- ↑ Mize, Dianne (16 de xullo de 2008). "Placing Our Images: Rabatment". Compose. Consultado o 27 de febreiro de 2011.
- ↑ Dunstan, Bernard (1979). Composing your paintings. Start To Paint. pp. 22, 26. ISBN 0-8008-1803-2.
- ↑ Brown, Scott (2009). "Glossary". Watercolorists of Whatcom. Arquivado dende o orixinal o 20 de marzo de 2012. Consultado o 27 de febreiro de 2011.
- ↑ Nelson, Connie (2010). "Composition in art: Rabatment". Explore-Drawing-and-Painting.com. Arquivado dende o orixinal o 10 de xullo de 2011. Consultado o 1 de marzo de 2011.
- ↑ Fairbanks, Avard T.; Fairbanks, Eugene F. (2005). Human Proportions for Artists (en inglés). Fairbanks Art and Books. p. 210. ISBN 0-9725841-1-0.
Véxase tamén[editar | editar a fonte]
Ligazóns externas[editar | editar a fonte]
- "A xeometría secreta da pintura Arquivado 25 de outubro de 2021 en Wayback Machine." por François Murez
- "Rebatemento como ferramenta compositiva" por Judith Reeve