Rawon

Rawon
Rawon setan (rawon do demo), unha variación servida a altas horas da noite.
Nome	Rawon
Tipo	Sopa
Lugar de orixe	Indonesia
Orixe	Surabaya e Malang, Xava
Ingredientes	Vitela e noz keluak negra

O rawon (en xavanés: ꦫꦮꦺꦴꦤ꧀) é unha sopa indonesia de carne de vitela. Orixinaria do leste da illa de Xava, o rawon conta con noz keluak negra como condimento principal, o cal dá unha cor escura e un sabor a noces á sopa.

Ingredientes

Especias, herbas e condimentos que se usan habitualmente para facer rawon: azucre, allo, chalotas, keluak/pucung, Aleurites moluccanus, coandro, pementa, Cymbopogon, xenxibre, kencur, galangal, azucre de palma, follas de lima e follas de loureiro.

A sopa está composta por unha mestura moída de allo, chalotas, keluak, xenxibre, Aleurites moluccanus, cúrcuma, pementa vermella e sal salteada con aceite. Despois bótase a mestura salteada no caldo de vitela cocido con talladas de vitela en dados.

A continuación engádense como condimento as follas de limón, galanga, loureiro, lima kaffir e azucre. A cor escura ou negra especial do rawon provén do keluak como especia principal. A sopa adoita ser adornada con cebola verde e chalota fritida, e sérvese con arroz. Outras coberturas inclúen brotes de soba, ovo de pato en salgadura, krupuk e feixóns fritidos.

Historia

O Rawon é un dos pratos máis antigos da cociña antiga de Xava. Mencionouse como rarawwan nunha antiga inscrición xavanesa Taji (ano 901) da época do Reino de Mataram.

Variantes

Hai varias variantes de rawon, sendo a máis popular o rawon de Surabaya. Unha versión chamada rawon setan ("rawon do demo") véndese como comida nocturna nos postos de comida indonesia abertos desde a media noite ata o amencer, supostamente as horas durante as que os demos vagan.

Na cociña balinesa, o rawon non usa ningún keluak; polo tanto, a cor é marrón no canto de negra. Ademais, como os balineses son na súa maioría hinduístas, prefiren a carne de porco sobre a carne de vitela.