Ramona Maneiro
Biografía | |
---|---|
Nacemento | (es) Ramona Maneiro Castro 1961 (62/63 anos) A Pobra do Caramiñal, España |
Datos persoais | |
País de nacionalidade | España |
Actividade | |
Ocupación | activista |
Lingua | Lingua castelá |
Ramona Maneiro Castro[1], nada na Pobra do Caramiñal en 1961, é unha activista a prol da morte digna e a eutanasia.[2][3][4][5]
Traxectoria[editar | editar a fonte]
Ramona Maneiro saltou á fama debido á súa relación sentimental con Ramón Sampedro, un mariño e escritor galego, tetrapléxico desde os 25 anos. Debido á súa situación e tras anos de vivir prostrado nunha cama, Sampedro decidiu acabar coa súa vida. Para poder suicidarse necesitaba axuda e asistencia, xa que a súa condición de tetrapléxico lle impedía facelo en por si. Mais isto podería carrexar problemas legais aos seus asistentes, xa que poderían incorrer en delito segundo a lexislación vixente española. Para solucionalo e dar a coñecer o seu problema, Sampedro desenvolveu unha intensa actividade a favor da eutanasia, tanto a través dos medios de comunicación como xudicialmente.
Na súa longa loita polo dereito a unha morte digna, Sampedro estivo apoiado por diferentes colectivos favorábeis á despenalización de eutanasia. Finalmente, Ramón morreu na súa casa de Boiro o 12 de xaneiro de 1998 por envelenamento de cianuro potásico, axudado pola súa amiga Ramona Maneiro. Esta foi detida días despois, mais non foi xulgada por falta de probas.
Autoinculpación[editar | editar a fonte]
Sete anos despois, unha vez que o delito prescribiu, Ramona admitiu en televisión[6] facilitarlle a Ramón o acceso ao veleno que lle causou a morte e gravar o vídeo onde este pronunciu as súas últimas palabras.[7][8] Tras as súas declaracións, o fiscal pediu reabrir o caso de Ramón Sampedro.[9]
Prescribe o delito de Ramona Maneiro[editar | editar a fonte]
Segundo o portavoz do Consello Xeral do Poder Xudicial (CGPJ), Enrique López, as confesións de Maneiro puideron derivar nunha investigación, e mesmo ser axuizada, mais «en ningún caso condenada».[9] En España, o prazo para a prescrición do delito é de cinco anos se a pena que se impuxo fose de máis de tres e menos de cinco anos de cárcere. O período comeza a contar o día do sobresemento da causa, o 12 de novembro de 1999. Por iso, Ramona Maneiro é libre desde o 12 de novembro de 2004.[9][10]
Polémica coa familia de Ramón Sampedro[editar | editar a fonte]
A familia de Sampedro sempre estivo en contra da decisión deste de pór fin á súa vida. Tamén acusou a Ramona Maneiro de asasinato.[11]
Obras que recollen os acontecementos[editar | editar a fonte]
Películas[editar | editar a fonte]
- En 2001 Roberto Bodegas levou ao cine a historia de Ramón co filme para televisión Condenado a vivir, protagonizada por Ernesto Chao que daba vida a Ramón Sampedro.
- En 2004 Alejandro Amenábar levou ao cine a historia de Ramón coa película Mar adentro, protagonizada por Javier Bardem que daba vida a Ramón Sampedro. A película foi encomiada por público e crítica e recibiu varios premios, entre eles o Premios Óscar á mellor película estranxeira e 14 premios Goya.
Libros[editar | editar a fonte]
- Ramón Sampedro, Cartas desde el infierno Ed. Planeta. 1996
- Ramona Maneiro, Querido Ramón. Un testimonio de amor, Ed. Temas de Hoy (Planeta). 2005
Notas[editar | editar a fonte]
- ↑ "La juez de Ribeira pone en libertad a Ramona Maneiro". El Mundo.
- ↑ "Ramona Maneiro asiste a 59 segundos, sobre la eutanasia". Deia. Arquivado dende o orixinal o 19 de abril de 2009. Consultado o 18 de xuño de 2018.
- ↑ Entrevista en el programa de Ana Rosa Quintana. Varios vídeos.
- ↑ "Mar adentro y Ramona Maneiro: la campaña que no cesa".
- ↑ 'El que llama asesinato a la eutanasia no tiene vergüenza' Arquivado 13 de xaneiro de 2014 en Wayback Machine., Galiciae.com, 14 de decembro de 2008.
- ↑ ""Yo le di el cianuro a Ramón Sampedro"".
- ↑ Ramona Maneiro admite ante el juez que ayudó a morir a Sampedro, El País 10/02/2005.
- ↑ Ramona Maneiro confiesa, tras prescribir el delito, que ella puso el cianuro a su amigo Ramón Sampedro, El Mundo 11/01/2005.
- ↑ 9,0 9,1 9,2 "El fiscal pide reabrir el caso de Ramón Sampedro". 20 Minutos. 18 de xaneiro de 2005. Consultado o 19 de decembro de 2017.
- ↑ "Sobreseída la causa contra Ramona Maneiro por la muerte de Ramón Sampedro". El País (en castelán). 17 de marzo de 2005. Consultado o 19 de decembro de 2017.
- ↑ "Familia de Sampedro llama asesina a Ramona Maneiro". El Periódico de Extremadura (en castelán). Arquivado dende o orixinal o 30 de xuño de 2012. Consultado o 18 de xuño de 2018.
Véxase tamén[editar | editar a fonte]
Outros attigos[editar | editar a fonte]
Ligazóns externas[editar | editar a fonte]
- Entrevista a Ramona Maneiro.
- Encuentros digitales. Os lectores de El Mundo pregúntanlle a Ramona Maneiro.
- Entrevista no programa de Ana Rosa Quintana. Varios vídeos.
- Conversación con Ramona Maneiro, vídeo en Youtube.
- Dereito a Morrer Dignamente. Arquivado 04 de novembro de 2008 en Wayback Machine.