R.U.R.

Na Galipedia, a Wikipedia en galego.
Saltar ata a navegación Saltar á procura

Escena de R.U.R. amosando tres robots

R.U.R., subtitulada Rossumovi univerzální roboti, é unha obra de teatro de ciencia ficción escrita polo autor checo Karel Čapek. A súa estrea foi en 1920 en Praga, é famosa por utilizar por vez primeira o termo "robot".

Desenvolvemento[editar | editar a fonte]

A peza comeza nunha fábrica onde se fabrica xente artificial, chamada robots, que son máis semellantes á idea moderna de androide ou clons, xa que poden ser confundidos por humanos. Primeiro traballan felices para os humanos mais iso muda cando se produce unha revolta dos robots que acaba coa desaparición da raza humana.

Adaptacións[editar | editar a fonte]

O 11 de febreiro de 1938, a BBC emitiu unha adaptación de 35 minutos para a televisión dunha parte da peza, foi a súa primeira produción de ciencia ficción[1]. En 1941 BBC radio realizou unha versión para a radio e en 1948 realizou outra adaptación para a televisión, desta volta de toda a peza cunha duración de noventa minutos. Non se conserva ningunha desas adaptcións. O compositor checo Zdeněk Blažek realizou unha ópera en 1977 baseada na obra, e a BBC Radio 3 realizou unha nova dramatización en 1989.

Notas[editar | editar a fonte]