Río Almanzora

Río Almanzora

Tipo	río río principal
Inicio
División administrativa	Provincia de Almería, España
Final
Localización	Mar Mediterráneo
37°20′06″N 2°36′03″O B 37°14′19″N 1°46′37″O
Conca hidrográfica	conca do río Almanzora
Características
Dimensións	90 () km
Superficie da cunca hidrográfica	2.650 km²

O Almanzora é un río de 105 km de lonxitude que corre pola provincia de Almería, na comunidade andaluza, no sueste de España. Desauga directamente no mar Mediterráneo.

Percorrido

O sentido xeral do curso do río é de oeste a leste. Nace na vertente setentrional da serra dos Filabres, moi preto das lindes entre a provincia de Granada e a de Almería, a uns 1900 m.s.n.m. Até Alcóntar colle unha dirección norte, para emprender logo un decidido fluír cara levante, e alcanzar a veiga de Vera, onde desemboca, cerca de Palomares, no mar.

Afluentes

Os seus afluentes son polo xeral curtos ao baixar das vertentes montañosas que arrodean o curso principal. Destacan:

• Marxe dereita: Río Bacares, Arroyo de Albánchez.
• Marxe esquerda: Rambla de Albox.

Réxime hídrico

• É un río de réxime pluvial-torrencial, caracterizado por grandes e perigosas cheas, a última das cales se rexistrou en outubro de 1973.

Poboacións nas beiras

Entre as poboacións sitas nas súas orelas destacan: Tíjola, Purchena, Zurgena, Vega de Almanzora e Vera.

Nome

O Almanzora identifícase co denominado Surbo nos textos romanos. O nome árabe está ben documentado, porén a explicación habitual, p. ex. en Nieto Ballester, Breve diccionario de topónimos españoles. Madrid. 1997, s.v. Cuevas del Almanzora, que da do árabe al-mansura "a vitoriosa; lugar da vitoria", semella algo traído polos pelos, máis cando se compara con outros dous Puente Almanzora (Murcia) e Fuente Almanzora (Málaga), e lexitimamente cabería preguntarse se non hai atracción do máis coñecido nome Al-Mansur = Almanzor, por al-majar "curso de agua".