Pseudomonas putida

Na Galipedia, a Wikipedia en galego.
Saltar ata a navegación Saltar á procura

Pseudomonas putida
Clasificación científica
Dominio: Bacteria
Filo: Proteobacteria
Clase: Gammaproteobacteria
Orde: Pseudomonadales
Familia: Pseudomonadaceae
Xénero: 'Pseudomonas'
Especie: ''P. putida''
Nome binomial
'Pseudomonas putida'
Trevisan, 1889
Sinonimia

Bacillus fluorescens putidus" Flügge 1886
Bacillus putidus Trevisan 1889
Pseudomonas eisenbergii Migula 1900
Pseudomonas convexa Chester 1901
Pseudomonas incognita Chester 1901
Pseudomonas ovalis Chester 1901
Pseudomonas rugosa (Wright 1895) Chester 1901
Pseudomonas striata Chester 1901
Pseudomonas mildenbergii Bergey, et al.
Arthrobacter siderocapsulatus Dubinina e Zhdanov 1975
Pseudomonas arvilla O. Hayaishi
Pseudomonas barkeri Rhodes
Pseudomonas cyanogena Hammer

Pseudomonas putida é unha especie de bacteria gramnegativa con forma de bacilo, saprotrófica que vive no solo. Baseándose en análises de ARNr 16S, confirmouse que P. putida é taxonomicamente unha especie de Pseudomonas (sensu stricto) e foi situada, xunto con outras especies, no grupo P. putida dese xénero, que leva o seu mesmo nome.[1]

Unha variedade de P. putida, chamada Pseudomonas degradadora de hidrocarburos multiplásmidos, é o primeiro organismo que foi patentado no mundo. Como é un organismo vivo, a patente foi discutida e levada ante a Corte Suprema de Estados Unidos no seu histórico caso Diamond contra Chakrabarty, que gañou o inventor, Ananda Mohan Chakrabarty. O organismo mostra un metabolismo moi diverso, incluíndo a capacidade de degradar solventes orgánicos como o tolueno.[2] Esta capacidade aproveitouse para usala en biorremediación ou degradación de contaminantes ambientais. O uso de P. putida é preferible ao dalgunhas outras especies de Pseudomonas que poden facer esa degradación, xa que é unha bacteria inofensiva, a diferenza de P. aeruginosa, por exemplo, que e un patóxeno humano oportunista.

Usos[editar | editar a fonte]

Biorremediación[editar | editar a fonte]

O metabolismo tan diverso das cepas silvestres de P. putida pode ser aproveitado para biorremediación; por exemplo, probouse no laboratorio que pode funcionar como un inoculante de solos para remediar os solos contaminados con naftaleno.[3]

P. putida pode converter o aceite de estireno en PHA plástico biodegradable.[4][5] Isto pode ser útil para a reciclaxe da escuma de polistireno, que doutro modo non sería biodegradable.

Biocontrol[editar | editar a fonte]

P. putida demostrou propiedades potenciais de biocontrol, como antagonista eficaz de doenzas que causan a podremia de plantas como as causadas por Pythium (un oomiceto)[6] e Fusarium (un fungo filamentoso).[7]

Uso de sinaturas de oligonucleótidos do xenoma de P. putida KT2440[editar | editar a fonte]

O uso de di- a pentanucleótidos e a lista dos octa- a tetradecanucleótidos máis abundantes son medidas útiles para coñecer a sinatura xenómica de especies bacterianas. O cromosoma de P. putida KT2440 caracterízase pola simetría das febras e paridade intrafebras de oligonucleótidos complementarios. Cada tetranucleótido aparece cunha frecuencia similar nas dúas febras. O uso de tetranucleótidos está nesgado polo contido G+C e as restricións fisicoquímicas, como a enerxía de apiamento (stacking) das bases, ángulo de torcemento da hélice dinucleotídica, ou a flexibilidade do trinucleótido. As 105 rexións con composición atípica de oligonucleótidos poden difeenciarse polos seus padróns de uso de oligonucleótidos en categorías de illas de xenes adquiridas horizontalmente, de xenes multidominio ou de rexións antigas, como os xenes de proteínas ribosómicas e de ARNr. Unha secuencia palindrómica extraxénica específica de especie é a repetición máis común no xenoma, que pode ser aproveitada para a tipificación de cepas de P. putida. Na secuencia codificante de P. putida, LLL é o tripéptido máis abundante.[8]

Síntese orgánica[editar | editar a fonte]

A facilidade con que P. putida se pode manipular xeneticamente permitiu o seu uso na síntese de numerosos fármacos orgánicos e compostos de uso agrícola partindo de varios substratos.[9]

CBB5 e o consumo de cafeína[editar | editar a fonte]

P. putida CBB5, unha variedade silvestre non sometida a modificación xenética que se encontra no solo, pode vivir alimentándose de cafeína e observouse que degrada a cafeína a dióxido de carbono e amoníaco.[10][11]

Notas[editar | editar a fonte]

  1. Anzai; Kim, H; Park, JY; Wakabayashi, H; Oyaizu, H; et al. (Jul 2000). "Phylogenetic affiliation of the pseudomonads based on 16S rRNA sequence". Int J Syst Evol Microbiol 50 (4): 1563–89. PMID 10939664. doi:10.1099/00207713-50-4-1563. 
  2. Marqués, Silvia; Ramos, Juan L. (1993). "Transcriptional control of the Pseudomonas putida TOL plasmid catabolic pathways". Molecular Microbiology 9 (5): 923–9. PMID 7934920. doi:10.1111/j.1365-2958.1993.tb01222.x. 
  3. Gomes, NC; Kosheleva, IA; Abraham, WR; Smalla, K (2005). "Effects of the inoculant strain Pseudomonas putida KT2442 (pNF142) and of naphthalene contamination on the soil bacterial community". FEMS Microbiology Ecology 54 (1): 21–33. PMID 16329969. doi:10.1016/j.femsec.2005.02.005. 
  4. Immortal Polystyrene Foam Meets its Enemy | LiveScience
  5. Ward, PG; Goff, M; Donner, M; Kaminsky, W; O'Connor, KE (2006). "A two step chemo-biotechnological conversion of polystyrene to a biodegradable thermoplastic". Environmental Science & Technology 40 (7): 2433–7. PMID 16649270. doi:10.1021/es0517668. 
  6. Amer, GA; Utkhede, RS (2000). "Development of formulations of biological agents for management of root rot of lettuce and cucumber". Canadian Journal of Microbiology 46 (9): 809–16. PMID 11006841. doi:10.1139/w00-063. 
  7. Validov, S; Kamilova, F; Qi, S; Stephan, D; Wang, JJ; Makarova, N; Lugtenberg, B (2007). "Selection of bacteria able to control Fusarium oxysporum f. Sp. Radicis-lycopersici in stonewool substrate". Journal of Applied Microbiology 102 (2): 461–71. PMID 17241352. doi:10.1111/j.1365-2672.2006.03083.x. 
  8. Cornelis P (editor). (2008). Pseudomonas: Genomics and Molecular Biology (1st ed.). Caister Academic Press. ISBN 1-904455-19-0. 
  9. https://www.researchgate.net/publication/221847539_Industrial_biotechnology_of_Pseudomonas_putida_and_related_species
  10. http://blogs.scientificamerican.com/observations/2011/05/24/newly-discovered-bacteria-lives-on-caffeine
  11. Summers, RM; Louie, TM; Yu, CL; Subramanian, M (2011). "Characterization of a broad-specificity non-haem iron N-demethylase from Pseudomonas putida CBB5 capable of utilizing several purine alkaloids as sole carbon and nitrogen source". Microbiology 157 (Pt 2): 583–92. PMID 20966097. doi:10.1099/mic.0.043612-0. 

Véxase tamén[editar | editar a fonte]

Ligazóns externas[editar | editar a fonte]