Provincia de Varese
| País |  Italia
|
| Rexión |  Lombardía
|
| Capital | Varese |
| Área | 1.199 km² |
| Poboación | 877.912 (2010) |
| Densidade | 732 hab/km² |
| Municipios | 141 |
| Matrícula | VA |
| Código postal | 21100, 21010-21059 |
| Prefixo telf. | 02, 0331, 0332 |
| Presidente | Dario Galli (Lega Nord) 15.04.2008 |
| |
| Situación da Provincia de Varese en Italia | |
Varese é unha provincia da rexión da Lombardía, en Italia. A súa capital é a cidade de Varese.
Ten unha área de 1.199 km2, e unha poboación de 848.606 habitantes (2006). Hai 141 municipios na provincia.
A provincia de Varese atópase baixo os Alpes, de forma que as montañas constitúen a maioría do territorio; outros sinais característicos son os ríos (como o Tesino e o Olona) e os lagos glaciares Maggiore, Lugano, Varese e outros lagos máis cativos (os sete lagos varesinos). A parte sur da provincia áchase sobre a chaira padana.
Limita polo norte e polo leste con Suíza, co cantón de Tesino, polo leste coa provincia de Como, polo sur coa provincia de Milán e polo oeste coas provincias piemontesas de Novara e do Verbano Cusio Ossola.
As principais cidades da provincia son Varese e Busto Arsizio, con máis de 80.000 habitantes cada unha.
A provincia de Varese foi instituída por Benito Mussolini en 1927. Até ese ano as comunas da provincia de Varese formaban parte da de Como, excepto as do sur (Busto Arsizio, Gallarate, Saronno etc.), que pertencían á provincia de Milán.
