Provincia de Camagüey

Provincia de Camagüey

Camagüey (es)
Localización
21°N 78°O
País insular	Cuba
Capital	Camagüey
Poboación
Poboación	782.458 (2010) (50,76 hab./km²)
Xeografía
Superficie	15.413,82 km²
Comparte fronteira con	Provincia de Las Tunas Provincia de Ciego de Ávila
Identificador descritivo
Fuso horario	UTC−05:00
ISO 3166-2	CU-09
Páxina web	camaguey.cu

Camagüey é a provincia máis oriental do centro de Cuba, e é a de maior área. Antes da actual división político-administrativa incluía o territorio da actual veciña provincia de Ciego de Ávila e parte das de Sancti Spíritus e Las Tunas.

Historia

O nome tamén o leva a cidade capital da provincia, unha das primeiras vilas fundadas en Cuba, co nome de Santa María del Puerto del Príncipe o 2 de febreiro de 1514 e se enclavaba na zona de Punta do Guincho, na baía de Nuevitas, costa norte da provincia, moi preto da cidade de Nuevitas cabeceira do municipio do mesmo nome. Debido ao acoso dos piratas, corsarios e bucaneiros dos séculos XVI e XVII, a cidade foi trasladada ao centro da provincia, esta é a principal razón da súa actual localización.

Ademais, hase de remarcar o carácter arquitectónico da cidade, que se ve tamén empapado desta ameaza constante, sendo así o seu centro histórico un verdadeiro labirinto de rúas e pequenas prazas.

Desde que formaba parte da primeira división socio-política da illa, caracterizouse por ser foco das industrias azucreira e gandeira, debido en gran parte aos seus amplos prados, e as súas case inexistentes montañas. A principal formación montañosa atópase na Serra de Cubitas (ao norte da provincia).

Camagüey, conta ademais co segundo macizo coralino máis longo do mundo (norte da provincia), só superado pola Gran Barreira Coralina australiana. Deste xeito os amantes do mergullo ten cita obrigada nas augas de Santa Lucía.

Actualmente a cidade de máis 300.000 habitantes é un dos principais nós de comunicación entre o oriente de Cuba e o occidente, sendo a terceira cidade de Cuba, en canto a habitantes.

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---