Presidente de Gabón

	Instancia de cargo
	Subclase de presidente; xefe de estado
	Lista do elemento lista de presidentes de Gabón

Presidente de Gabón
	Instancia de cargo
	Subclase de presidente; xefe de estado
	Lista do elemento lista de presidentes de Gabón
Implicados
	Titular Brice Clotaire Oligui Nguema (4 de setembro de 2023 - ) ; Omar Bongo (2 de decembro de 1967 - 8 de xuño de 2009) ; Ali Bongo Ondimba (16 de outubro de 2009 - 30 de agosto de 2023) ; Léon M'ba (12 de febreiro de 1961 - 28 de novembro de 1967)
Datas
	Fundación / creación 17 de agosto de 1960
Localización
	Xurisdición Gabón
	País Gabón
	Wikidata

O presidente de Gabón é o xefe de Estado de Gabón.

É elixido cada sete anos por sufraxio universal e directo. Un total de tres persoas (sen contar dous presidentes en funcións) exerceron o cargo de presidente dende a independencia do país en 1960.

Descrición do cargo

Elección

O presidente da república é elixido por sufraxio universal e directo para un mandato presidencial de sete anos, renovable. As eleccións son gañadas polo candidato que obteña o maior número de votos.^[1] Todos os cidadáns gaboneses, homes e mulleres, que teñan polo menos corenta anos, que residiran en Gabón durante polo menos doce meses, e que gocen dos seus plenos dereitos civís e políticos son elixibles para o cargo de presidente.^[1]

O Tribunal Constitucional pode ampliar os prazos previstos conforme ao artigo 11, pero as eleccións non poderán celebrarse máis de trinta e cinco días despois da data da decisión do Tribunal Constitucional. Se a aplicación das políticas dos parágrafos presentes pospón a elección a unha data máis alá do último día no cargo do actual presidente, permanecerá no cargo ata a elección do sucesor.^[1]

Xuramento do cargo

O xuramento presidencial marca o comezo do mandato presidencial. Pode non ter lugar antes da decisión do Tribunal Constitucional de proclamar os resultados das eleccións oficiais.^[1]

No momento do acceso do presidente ao cargo, este realizará o seguinte xuramento ante o Parlamento e o Tribunal Constitucional, coa man esquerda sobre a Constitución e a outra man levantada ante a bandeira nacional:

Prometo dedicar todas as miñas enerxías ao ben do pobo gabonés, asegurar o seu benestar e protexelos de toda desgraza, respectar e defender a Constitución e o Estado de Dereito, cumprir conscientemente os deberes da miña posición e ser xusto con todos.

Vacante

En caso de vacante do cargo presidencial por calquera motivo ou unha discapacidade permanente do actual presidente, afirmado polo Tribunal Constitucional convocado polo goberno a través da maioría absoluta dos seus membros, ou no seu defecto, polas mesas das dúas cámaras do Parlamento con maioría dos seus membros, o presidente do Senado exercerá temporalmente as funcións de presidente da república, ou en caso de discapacidade permanente do presidente do Senado, afirmado polo Tribunal Constitucional convocado nas mesmas condicións, o vicepresidente primeiro do Senado desempeñará temporalmente as funcións da oficina presidencial.^[1]

A autoridade que asuma o cargo presidencial interino investirase temporalmente cos deberes e poderes completos do presidente da república, coa excepción de determinados deberes e poderes previstos nos artigos 18, 19 e o primeiro parágrafo do 116. O presidente interino non poderá presentarse como candidato ás seguintes eleccións presidenciais.^[1]

En caso de vacante, ou se a discapacidade do presidente é declarada permanente polo Tribunal Constitucional, as votacións para novo presidente, excluídos os casos de emerxencia anunciados polo Tribunal Constitucional, terán lugar entre trinta e sesenta días despois do inicio da vacante ou da declaración dunha incapacidade permanente do presidente.^[1]

Lista

Lenda

Partidos políticos

Status

Presidente en funcións

Nº	Foto	Nome	Eleccións	Mandato			Afiliación política	Primeiro Ministro
Nº	Foto	Nome	Eleccións	Inicio	Fin	Tempo no cargo	Afiliación política	Primeiro Ministro
1		Léon M'ba (1902–1967)^[a]	1961 1967	17 de agosto de 1960	27 de novembro de 1967 (morto no cargo)	7 anos e 102 días	BDG	El mesmo
2		Omar Bongo Ondimba (1935–2009)^[b]	1973 1979 1986 1993 1998 2005	2 de decembro de 1967	8 de xuño de 2009 (morto no cargo)	41 anos e 188 días	BDG/PDG	Léon Mébiame Casimir Oyé-Mba Paulin Obame-Nguema Jean-François Ntoutoume Emane Jean Eyeghé Ndong
-		Didjob Divungi Di Ndinge (1946–)^[c]	-	6 de maio de 2009	10 de xuño de 2009	35 días	ADERE	Jean Eyeghé Ndong
-		Rose Francine Rogombé (1942–2015)^[d]	-	10 de xuño de 2009	16 de outubro de 2009	128 días	PDG	Jean Eyeghé Ndong Paul Biyoghé Mba
3		Ali Bongo Ondimba (1959–)^[e]	2009 2016	16 de outubro de 2009	30 de agosto de 2023	13 anos e 318 días	PDG	Paul Biyoghé Mba Raymond Ndong Sima Daniel Ona Ondo Emmanuel Issoze-Ngondet Julien Nkoghe Bekale
-		Brice Oligui	-	30 de agosto de 2023	presente	2 anos e 191 días	Militar	Vacante

↑ Brevemente interrompido durante o golpe de Estado do 17-18 de febreiro de 1964
↑ Anteriormente chamado Albert-Bernard Bongo. Cambiou de nome o 29 de setembro de 1973, despois de converterse ao islam. Engadiu Ondimba ao nome o 15 de novembro de 2003.
↑ Presidente en funcións mentres Bongo estivo hospitalizado.
↑ Sucedeu constitucionalmente a Bongo tras a morte deste.
↑ Fillo de Omar Bongo Ondimba.

Notas

1 2 3 4 5 6 7 "Constitución de Gabón" (en inglés). Consultado o 20 de maio de 2020.

Véxase tamén

Outros artigos

Primeiro ministro de Gabón

Ligazóns externas

Páxina web oficial (en francés).
Dirixentes do mundo - Gabón
Constitución de Gabón de 1991 (modificada en 2011) (en inglés).

[2] Brevemente interrompido durante o golpe de Estado do 17-18 de febreiro de 1964

[3] Anteriormente chamado Albert-Bernard Bongo. Cambiou de nome o 29 de setembro de 1973, despois de converterse ao islam. Engadiu Ondimba ao nome o 15 de novembro de 2003.

[4] Presidente en funcións mentres Bongo estivo hospitalizado.

[5] Sucedeu constitucionalmente a Bongo tras a morte deste.

[6] Fillo de Omar Bongo Ondimba.

[:0-1] 1 2 3 4 5 6 7 "Constitución de Gabón" (en inglés). Consultado o 20 de maio de 2020.

[1]

[a]

[b]

[c]

[d]

[e]