Praia América

Na Galipedia, a Wikipedia en galego.
Praia América
Praia América.JPG
Coordenadas: 42°08′25″N 08°49′10″O / 42.14028, -8.81944
Blue Flag Logo.svg Posto de primeiros auxilios Accesible a discapacitados
Características xerais
Lonxitude 1.300 m
Grao de ocupación media
Características específicas
Tipo de area Fina
Condicións do baño OK
Aspectos medioambientais
Bandeira Azul Si
Seguridade
Equipo de vixilancia Si
Sinalización do perigo Si
Policía local Si
Equipo de salvamento Si
Accesibilidade
Accesible a discapacitados OK
Tipo de acceso Estrada
Sinalización do acceso OK

Praia América é un lugar da parroquia de San Pedro, no concello de Nigrán, e tamén é o nome común que recibe a Praia de Area Loura, praia situada diante deste barrio. O nome orixinal da praia era Praia de Area Loura (nome que lle vén pola cor das súas areas), pero por mor de que a primeira "urbanización" do lugar, foi feita por indianos retornados da América, foi este último (Praia América), o nome que acadou máis popularidade.

Cunha extensión total de 1.700 metros, limita coa praia de Panxón (da que está separada polo río Muíños), río que tamén fai de estrema entre os lugares de Vilameán (Capital do concello de Nigrán) e Area (barrio que linda co de Praia América), das parroquias de Nigrán (San Fiz) e San Pedro respectivamente.

Segundo o IGE[1], no 2015 tiña 195 habitantes (107 homes e 88 mulleres).

Litoral[editar | editar a fonte]

Area Loura é un dos areais e praias de Nigrán, bañados polo Océano Atlántico. Foi discernida en varias ocasións coa Bandeira azul da Fundación para a Educación Ambiental, en recoñecemento pola calidade das súas augas e dos seus servizos; a última delas en 2015[2].

Area Loura atópase nunha contorna urbana; con esta praia, lindan varios lugares ou barrios de diferentes parroquias, porén, todas pertencentes ao concello de Nigrán. Sendo o barrio de Praia América, o que ten máis contacto directo coa praia. Area Loura presenta condicións de vagas e ventos moderados. Dende as súas praias de area branca e gran tenue, vense os lugares de Baiona, Panxón e Monteferro entre outros, ademais das illas Estelas, que pola súa riqueza ecolóxica foron declaradas espazos a protexer pola Rede Natura 2000. Ademais, un paseo peonal percorre toda a súa extensión, con zonas de xardíns e unha pasarela encol do río Muíños, cuxa foz, situada na parroquia de Nigrán (San Fiz) fai de estrema entre as praias de Area Loura e a Praia de Canido. Polo que estariamos a falar, de dúas praias, pertencentes a cadansúa parroquia, pero que teñen un linde en común situado nunha terceira parroquia, que fica entre ámbalas dúas outras.

Clima[editar | editar a fonte]

Praia América, coma Nigrán, benefíciase dun microclima caracterizado polas avelaíñas temperaturas do inverno e o abondoso sol durante o verán, tempada na que acada a maior afluencia de turistas. As temperaturas que se rexistran ó longo de todo o ano son avelaíñas, roldando a media dos 10 °C en xaneiro e os 20 en xullo. Os ventos do suroeste traen abondosas chuvias, sobre todo entre os meses de outubro e abril (1.700 – 1.900 mm. anuais).

Festas[editar | editar a fonte]

A patroa de Praia América é A Virxe do Carme, capela situada en Monte Lourido (pequena península con rango de lugar, pertencente á mesma parroquia ca Praia América, á de San Pedro).

Galería de imaxes[editar | editar a fonte]

 
 
 

Notas[editar | editar a fonte]

  1. "Nomenclátor de Galicia". www.ige.eu. Consultado o 2016-08-16. 
  2. Relación de praias galegas con bandeira azul, 2008, Publicada por Vieiros

Véxase tamén[editar | editar a fonte]

outros artigos[editar | editar a fonte]

Ligazóns externas[editar | editar a fonte]