Vilameán, Nigrán, Nigrán

Na Galipedia, a Wikipedia en galego.
Saltar ata a navegación Saltar á procura
Vilameán
Casa do Concello de Nigrán, parte vella.JPG
Casa do Concello de Nigrán.
ParroquiaNigrán
ConcelloNigrán
Poboación1.268 hab. (2011)

Vilameán é un lugar da parroquia de San Fiz de Nigrán no concello pontevedrés de Nigrán, na comarca de Vigo. Segundo o IGE en 2011 tiña 1.268 habitantes (637 mulleres e 631 homes), o que supón un aumento respecto do ano 1999 cando tiña 865 habitantes. É o maior núcleo de poboación do concello.

Linda cos seguintes lugares da parroquia: Coa Angustia ao norte, coas Telleiras ao leste e con Canido ao suroeste; co lugar de Rans da parroquia de San Pedro da Ramallosa ao sur e coa Area Alta e co Carregal da parroquia de Panxón ao oeste e ó noroeste respectivamente.

En Vilameán atópase a casa do concello de Nigrán, como tamén o colexio público de primaria, CEIP Humberto Juanes.

Etimoloxía[editar | editar a fonte]

O topónimo contén o resultado do latín villa(m) mediana(m), un composto do substantivo villa (en galego vila) cun adxectivo derivado de medium (en galego medio).

O adxectivo meán, meá é o resultado galego do latín medianusa, –um, derivado á súa vez do substativo medium ou do adxectivo medius, –a, –um. Segundo podemos observar nos textos medievais, as formas patrimoniais galegas meán, meao, meá, o mesmo ca meo e mea, tiveron competencia dende moi cedo cos cultismos mediano, mediana e medio~médeo, media~médea.[1]

Lugares e parroquias[editar | editar a fonte]

Lugares de Nigrán[editar | editar a fonte]

Lugares da parroquia de Nigrán no concello de Nigrán (Pontevedra)

A Angustia | A Barxa | Canido | O Ceán | A Devesa | Grolos | A Igrexa | A Lagoíña | O Lugar do Monte | Nigrán | A Nogueira | O Outeiro | Paradellas | A Pateira | O Río do Cabalo | A Tarela | As Telleiras | Vilameán

Parroquias de Nigrán[editar | editar a fonte]

Galicia | Provincia de Pontevedra | Parroquias de Nigrán

Camos (Santa Baia) | Chandebrito (San Xosé) | Nigrán (San Fiz) | Panxón (San Xoán) | Parada (Santiago) | Priegue (San Mamede) | A Ramallosa (San Pedro)

Notas[editar | editar a fonte]

  1. Navaza, Gonzola. Homenaxe á profesora Camiño Noia.